新聞類別
娛樂
詳情#
【蘋果日報】【關你影視】電影導演郭子健及黃智亨於前晚首播的《蘋果》娛樂全新節目《關你影視》第一集中，齊齊開live評《蟻俠2：黃蜂女現身》（Ant-Man and the Wasp）。郭子健指自己睇《蟻俠2》時睡着：「瞓係一個指標嚟，如果我只瞓五分鐘，套戲已經好OK，睇動作片我一定瞓。」
郭子健大讚《蟻俠2》劇本：「蟻俠特別搞笑、輕鬆，好似凡人一樣有缺陷。全部戲裏面啲人都好自私，蟻俠趕住返屋企，因為假釋要(目及)佢，穿越時空因為搵老婆！」蟻俠平民化、人性化，有別於大仁大義的英雄人物。
尚未到位
談到DC電影拍來拍去都不成功？郭子健說：「DC有格調啲，無論宇宙觀，以至人物成長，裏面每一個細節，但DC陰暗、成熟啲，Marvel就似細路，顏色七彩繽紛，簡稱鬼五馬六，但真人化之後變成Marvel嘅一種風格。但DC冇將佢變成風格，反而成為累贅。」更直指劇本出事：「古仔亂咁度！」
黃智亨亦附和：「佢成個電影宇宙搵唔到定位，Christopher Nolan拍得太好，咁佢個tone跟唔跟好？結果依家跟少少，又唔跟少少，後來變到啲人鬼咁嚴肅，但個故事又鬼咁弱智。」
意想不到
黃智亨又坦言對《蟻俠2》很欣賞：「幾得意嘅係佢將一集15分鐘嘅《多啦A夢》拉長咗，一支放大縮細槍……佢玩足兩個鐘畀你睇，估佢唔到！」他特別鍾意將大廈縮到變手拉行李：「如果放到現實就解決香港好多問題！」
採訪：何德
攝影：林賓尼
場地提供：九龍灣展貿星影匯戲院
郭子健大讚《蟻俠2》劇本：「蟻俠特別搞笑、輕鬆，好似凡人一樣有缺陷。全部戲裏面啲人都好自私，蟻俠趕住返屋企，因為假釋要(目及)佢，穿越時空因為搵老婆！」蟻俠平民化、人性化，有別於大仁大義的英雄人物。
尚未到位
談到DC電影拍來拍去都不成功？郭子健說：「DC有格調啲，無論宇宙觀，以至人物成長，裏面每一個細節，但DC陰暗、成熟啲，Marvel就似細路，顏色七彩繽紛，簡稱鬼五馬六，但真人化之後變成Marvel嘅一種風格。但DC冇將佢變成風格，反而成為累贅。」更直指劇本出事：「古仔亂咁度！」
黃智亨亦附和：「佢成個電影宇宙搵唔到定位，Christopher Nolan拍得太好，咁佢個tone跟唔跟好？結果依家跟少少，又唔跟少少，後來變到啲人鬼咁嚴肅，但個故事又鬼咁弱智。」
意想不到
黃智亨又坦言對《蟻俠2》很欣賞：「幾得意嘅係佢將一集15分鐘嘅《多啦A夢》拉長咗，一支放大縮細槍……佢玩足兩個鐘畀你睇，估佢唔到！」他特別鍾意將大廈縮到變手拉行李：「如果放到現實就解決香港好多問題！」
採訪：何德
攝影：林賓尼
場地提供：九龍灣展貿星影匯戲院
回應 (0)
