蔡瀾讚霆鋒廚藝大師級

【蘋果日報】食家蔡瀾在中環以自己名字命名的食店「蔡瀾Pho」昨日舉行開幕禮，獲好友倪匡、蘇玉華同黃宇詩現身支持，蔡瀾表示新舖是他二十多年的心願：「鍾意食嘢嘅人，最後都會揀番碗牛肉河，呢個係全世界人公認嘅事，今次好多謝得到佢哋嘅信任，等我可以將最好牛肉河帶畀大家，成個project要千幾萬！」
近年有不少藝人進軍飲食業，例如謝霆鋒的「鋒味」，蔡瀾說：「佢真係好畀心機，好佩服佢，我之前拍戲都有試過佢嘅手勢，好有台型同大師級風範，我都有睇佢同其他大廚比賽，贏得漂亮！」蔡瀾還說：「歡迎霆鋒任何時間試食，個個都對我好好，幾時嚟都歡迎，我請佢哋食，倪匡係一世VIP，任佢食！」至於會否再做飲食節目，他說：「諗唔到有乜賣點，做嘅都做晒，除非新角度，如果唔係寧願唔拍，有新意唔使錢都做！」
採訪、攝影：曹家誠