張文慈晒舊相找數黃心穎噴血床照勁有Heart

【蘋果日報】繼馬浚偉（馬仔）因為劇集《宮心計2深宮計》破10億點播率晒BB裸照，以及同胡定欣床照，唔知係咪因為咁即時令點播率標升，話咁快點播率就破30億大關，而曾經應承過大家破30億時會晒床照的心穎BB，亦講得出做得到，即時係微博找數，不過相對馬仔嗰張床照嚟講，心穎BB呢張就有誠意得多，事關呢相中的心穎BB以白色比堅尼上陣，雖然只得上半身，但相中閉着眼的心穎BB性感得嚟又含蓄，誘人及火辣程度真係令人流（鼻）血不止，相信各位睇完呢張相後，大家都會好羨慕馬國明有個咁索爆嘅女友！
而除心穎BB外，劇中的汪司膳張文慈同太平公主陳煒，前晚亦一樣有晒相，不過前者就係18年前的現代版床照，後者則係22年前的泳衣照，係就係年代久遠啲，但都叫有福利啦！咦，唔知幾時到玲瓏公主劉心悠同周秀娜娜姐晒相呢？好期待呀！