古天樂厚褸焗桑拿拍戲

【蘋果日報】古天樂前日在中環為電影《犯罪現場》拍外景，雖然連日以來天氣一時有太陽一時又落雨，天氣超級悶熱，不過當日古仔身穿厚褸在中環開工，當時中環正值放工時間，全程人來人往，所以攝製隊都爭取時間盡快拍完。
現場所見，當時有不少放工的OL發現古仔，紛紛拿出手機影相，不過對古仔並沒有受到任何影響。而古仔的拍攝場景主要是行來行去的戲份，只需要做眈天望地的動作就拍完，全程大約拍了半小時就完成，但古仔拍完每個鏡頭，都會走去睇playback睇一睇個拍攝效果。值得一提的事，就算天氣悶熱，古仔似乎好忍得，竟然不需要抹汗，連妝都不用補，相當厲害！
採訪、攝影：徐錦池、畢紹基