苟芸慧10月出嫁鍾嘉欣做姊妹

【蘋果日報】苟芸慧、江若琳、湛琪清、林芊妤與歐陽巧瑩一眾即將踏入人生另一重要階段的靚女，昨日在尖沙嘴出席一間精品香水概念店開幕活動。苟姑娘指婚禮定於今年10月舉行，她籌備上只參與揀婚紗、姊妹團及賓客名單，她說：「婚紗已經揀好，有少少性感，如果有長輩在場時，會加個拖尾。」為了能親自答謝每位來賓，婚禮當日將會分不同時段宴請親友。至於姊妹團方面，苟姑娘說：「我搵咗鍾嘉欣、岑麗香、李亞男、劉溫馨同兩位選華姐時朋友，不過我唔想嘉欣太辛苦，其實都要到時先知，睇吓佢哋安唔安全，交畀上天安排。」
湛琪清收四卡鑽戒
戴上四卡訂婚鑽戒的湛琪清，宣佈兩個月前在峇里答應男友求婚，她說：「未婚夫好浪漫book咗間好靚嘅屋，然後安排教我調校cocktail，當見到第二杯材料時見到隻戒指，我就大叫no，因為完全諗唔到。」未婚夫更秘密地拍下整個過程，事前又私下問準她婆婆及父母。
同場的江若琳表示希望四年後能夠親身到卡塔爾現場睇世界盃，講到屆時可能已經有小孩，她說：「我覺得都有，希望有三歲。」問到是否現在要開波造人？她笑說：「仲有半年，畀我結埋婚先，我想結婚時係最靚嘅狀態，唔想大住個肚。」至於婚紗亦已經設計好，留待結婚給未婚夫驚喜，江若琳說：「佢話如果太性感會黑面。」
採訪：馬建華
攝影：陳俊強