新聞類別
財經
詳情#
【蘋果日報】世界盃西班牙射12碼輸畀俄羅斯，牛仔輸畀熊仔，唔係好兆頭！下半年一開波，亞太股市率先跣低，中日韓跌2.2%至2.5%。上半年滬股跌14%、深股跌15%，熊遍全球；相對上港股跌3%算少，但1月尾殺上33484到6月尾殺落28169，5個月蒸發5,315點或16%，咪話唔傷。中港股市可否七翻身，要睇中美貿易戰有冇彎轉，仲要睇A股維穩力度。點樣維穩？一字記之曰：錢。內地喺各項監管政策同時收緊下，實體經濟出現較大融資缺口，據中金分析，央行有必要及時進一步降準，並加大降準幅度。流動性改善，A股先會見底，港股先會回升。
此前宣佈嘅定向降準周四生效，中美貿易戰就周五對決，開火前放水，阿爺計過數。過去半年，中國股匯雙殺，事實上，環球資產之中，只有石油、美元、日圓、美股走強；新興市場、亞股、歐股以至避險工具黃金都走弱。環球股市會否全面熊市，剩低嘅美股成為關鍵。
根據Stock Trader's Almanac，二戰以嚟，美國總統上任翌年嘅第二季同第三季為總統周期（Presidential Cycle），係美股表現最差嘅季度。此外，美股歷史數據顯示，波動率通常7月起抽高，美股7月至10月表現最弱。美股一旦下破支持線，環球將會迅速形成共振，小心！
美國下半年有機會再加息兩次，市場估計香港拖到9月就要跟隨加息。現時各大銀行港元定期存款息率一年期起碼有兩厘，建行（亞洲）3個月期更高見3.15厘，好息之徒入市，宜揀股息率超過5厘、派息穩定、業務穩健嘅股份，本地銀行股、內銀股以至商業信託等都可選擇。
商業信託規定至少九成利潤派息，當中港燈（2638）、香港電訊（6823）現價股息率分別為5.4厘、6.5厘。至於其他公用股，股息率超過5厘嘅，仲有電能（006）、載通（062）。睇走勢圖，港燈10天線升穿20天線，兼且呈現杯柄形向上突破。
割柑人
本欄逢周二刊出
此前宣佈嘅定向降準周四生效，中美貿易戰就周五對決，開火前放水，阿爺計過數。過去半年，中國股匯雙殺，事實上，環球資產之中，只有石油、美元、日圓、美股走強；新興市場、亞股、歐股以至避險工具黃金都走弱。環球股市會否全面熊市，剩低嘅美股成為關鍵。
根據Stock Trader's Almanac，二戰以嚟，美國總統上任翌年嘅第二季同第三季為總統周期（Presidential Cycle），係美股表現最差嘅季度。此外，美股歷史數據顯示，波動率通常7月起抽高，美股7月至10月表現最弱。美股一旦下破支持線，環球將會迅速形成共振，小心！
美國下半年有機會再加息兩次，市場估計香港拖到9月就要跟隨加息。現時各大銀行港元定期存款息率一年期起碼有兩厘，建行（亞洲）3個月期更高見3.15厘，好息之徒入市，宜揀股息率超過5厘、派息穩定、業務穩健嘅股份，本地銀行股、內銀股以至商業信託等都可選擇。
商業信託規定至少九成利潤派息，當中港燈（2638）、香港電訊（6823）現價股息率分別為5.4厘、6.5厘。至於其他公用股，股息率超過5厘嘅，仲有電能（006）、載通（062）。睇走勢圖，港燈10天線升穿20天線，兼且呈現杯柄形向上突破。
割柑人
本欄逢周二刊出
回應 (0)
