新聞類別
港聞
詳情#
【蘋果日報】堆填區負荷就嚟爆煲，又話源頭減廢，垃圾徵費又遲早殺到嚟，邊個可以挺身而出，解決香港長遠都市固體廢物處理問題？環境局局長？畀啲新思維，試吓Think Outside the Box，梗係每日負責直接處理垃圾嘅清潔工友啦！
呢位疑似食環外判清潔工就獻新猷喇，喺碼頭邊將原袋垃圾直接射落海，垃圾袋口都費事封，膠袋膠樽汽水罐乜都有，使乜又分類又回收又運輸又盛，慳水慳力慳時間#曲線要講明。
有眼利網民認得呢度係深灣，亦即水警香港仔基地後面，叔叔真係勇氣可嘉喇。根據《簡易治罪條例》，任何人仕亂拋垃圾落海，一經定罪，最高可罰款1萬元同入獄6個月㗎。
食環署回覆話十分關注今次事件，正進行調查；又話認為有關違法行為相當嚴重，如果蒐集到足夠證據，會考慮發出告票、向承辦商發出失責通知，仲會要求承辦商更換失職員工咁話。
【網民點睇】
Frank Cheung：外判架唔關政府事（曲線）
Matthew Cheong Wing Tse：要舉報這名敗類，要佢公司炒佢。
Digga Yeung：可唔可以扔埋條友落海？
David Wan：林鄭開始填海？
Ng Yat Lung：唔怪得知香港仔避風塘咁多垃圾啦
呢位疑似食環外判清潔工就獻新猷喇，喺碼頭邊將原袋垃圾直接射落海，垃圾袋口都費事封，膠袋膠樽汽水罐乜都有，使乜又分類又回收又運輸又盛，慳水慳力慳時間#曲線要講明。
有眼利網民認得呢度係深灣，亦即水警香港仔基地後面，叔叔真係勇氣可嘉喇。根據《簡易治罪條例》，任何人仕亂拋垃圾落海，一經定罪，最高可罰款1萬元同入獄6個月㗎。
食環署回覆話十分關注今次事件，正進行調查；又話認為有關違法行為相當嚴重，如果蒐集到足夠證據，會考慮發出告票、向承辦商發出失責通知，仲會要求承辦商更換失職員工咁話。
【網民點睇】
Frank Cheung：外判架唔關政府事（曲線）
Matthew Cheong Wing Tse：要舉報這名敗類，要佢公司炒佢。
Digga Yeung：可唔可以扔埋條友落海？
David Wan：林鄭開始填海？
Ng Yat Lung：唔怪得知香港仔避風塘咁多垃圾啦
回應 (0)
