Chok爆現身機場 12歲李嫣赴巴黎行時裝騷

【蘋果日報】王菲與前夫李亞鵬所生嘅女兒李嫣，患有先天性唇顎裂（俗稱兔唇），李嫣僅兩個多月大就被父母帶去美國接受矯正手術，其後王菲同李亞鵬就成立「嫣然天使基金」，幫助國內同樣患上兔唇嘅貧窮兒童接受免費手術。
一直開始，王菲同李亞鵬都好保護愛女，避免佢曝光，但李嫣卻遺傳父母嘅演藝細胞，年紀小小已經好有表演慾。去年李嫣首次到巴黎行catwalk，今年再接再厲，獲品牌邀請到法國參與時裝騷。
昨日李亞鵬就陪李嫣一齊出發，現身北京機場時，戴上野餐帽配藍色裙仔嘅李嫣，彷彿預演一場Catwalk Show一樣，不論行路還是同爸爸合照都大擺Chok甫，果然有做模特兒嘅天分。而李亞鵬就一邊推住行李車，一邊望住愛女，感情相當之好。