驗樓直擊：One Homantin窗戶多處崩花

【蘋果日報】會德豐（020）何文田One Homantin入伙，資深驗樓師詹濟南「詹sir」預期交樓質素拍得住近期同系入伙盤Napa，結果驗收項目第一個單位大失所望，僅獲62分，全屋窗戶玻璃有多處崩花，打風有機會爆玻璃，結果窗戶0分，來去水扣剩0.25分，洗衣機來水喉漏水，詹sir認為：「漏水是死罪！」
今次驗收One Homantin是一個低層兩房戶，實用477方呎，業主2016年花逾900萬元買入，呎價約1.9萬元。詹sir帶同徒弟康仔一齊驗樓，甫入單位，趁未日落即檢驗窗戶玻璃，睇到客廳及露台趟門都有玻璃崩花的問題。詹sir指出，如果窗戶玻璃崩花，擔心日後打風有機會爆玻璃。除了客廳，兩間睡房及廚房的窗戶玻璃都有崩花。15項驗樓工種，窗這一項佔比大的項目即時捧蛋。
台地台鋪磚不平易刮腳，建議重鋪。客廳及主人房油漆天花批盪都無大問題，詹sir都讚不俗，惟地板鬆動問題老是出現，只須加釘鞏固可解決。廁所來去水無事，但馬桶搖擺不定必須整穩，詹sir稱，曾有單位馬桶因搖擺拉扯終爆水喉。
洗衣機來水喉漏水
廚房鋅盆來去水無滲漏，詹sir打開廚櫃底生口位，踎低後驚叫：「濕嘅，點解有灘水！」仔細檢查，相信洗衣機入水喉漏水，於是即閂水掣，之前因滴水，曾有單位浸滿屋。
15項目驗收工種，佔比最大的窗0分、來去水僅0.25分，總分62分，詹sir評：「漏水是扣大分，是死罪！」他表示，同系屯門Napa不少單位評分見「9」字頭，「諗住起碼拍住Napa，充滿期望，但結果有少少失望！」
會德豐發言人表示，已收到業主提交執修表，將安排承建商依據既定程序進行執修。