結婚踏入25周年馬德鐘老婆冧晒拍拖舊照

【蘋果日報】日前宣佈「入伍」、50歲型男「馬神」馬德鐘，前日同太太張筱蘭結婚25周年，馬太喺facebook放閃：「由12歲開始認識你@馬德钟JM，到今天與你結婚步入4份1世紀，感恩一直同行。人生就是要將今天活得比昨天好。銀婚快樂！」馬太仲貼出佢哋那些年拍拖照片。馬神都有轉發太太嘅留言，兩夫妻齊晒恩愛。
《蘋果》昨日叫馬太分享幸福婚姻之道，佢甜絲絲回覆：「問得非常好！可以一陣問問Joe（馬德鐘）！我想聽吓佢講。」馬神大方話：「甚麼是幸福，能令對方幸福自己就必然能感到幸福！甚麼是快樂，能令對方快樂自己就必然能感到快樂！能多替對方着想，能接受平淡簡單的生活，人生就是精彩及美滿了！」