黃百鳴：我對家駒有感情

【蘋果日報】Beyond跟黃百鳴有何關係？就是新藝寶唱片公司。當年新藝城除了搞電影外，曾經與當時的寶麗金唱片公司合資組成新藝寶唱片公司。當年黃百鳴睇好Beyond這隊地下樂隊，於88年跟他們簽約，他說︰「當時有好多有份量藝人包括許冠傑、張國榮等，但我哋要捧啲新人，所以將一隊地下樂隊捧上枱面，就係Beyond。」
雖然Beyond跟新藝寶的賓主關係只是短短幾年，但Beyond在這段期間創作了不少經典歌曲如《喜歡你》、《真的愛妳》等，其後更開始拍電影，黃百鳴說︰「Beyond係新藝寶嘅歌星，我哋拍嘅戲梗係搵佢哋演出，第一部係賀歲片《吉星拱照》戲份唔多，第二部係《開心鬼救開心鬼》。拍佢哋四個，我只要同一個人講就得，就係家駒。家駒喺佢哋當中係大哥，佢講乜三個都聽，合作過程非常順暢，容易過我拍開心少女組㖭。」
回想往事，黃百鳴感慨說︰「嗰段日子，我哋係經常合作，後來佢哋滿約，先至過去日本嗰邊，我記得當時我都有去日本探過佢哋一次，好不幸一個遊戲節目令家駒走咗，所以我對家駒都好有感情。」
採訪：羅婉玲