趙哲妤冧掂凍肉暖男湊女

【蘋果日報】未婚產女的30歲女星趙哲妤（Uny），因為囡囡生父拒認賬，囡囡惟有跟母姓改名趙真羽，乳名小魚，現已一歲多。雖然Uny是單親媽咪，但感情生活一樣多姿多采，被爆撻着海產凍肉商人Him Wong，男方高大靚仔酷似林峯。
日前，Uny與「翻版林峯」Him齊齊湊女，在尖沙嘴海港城shopping。當日兩人帶着小魚，和外傭姐姐一行四人逛玩具反斗城，Him全程幫手湊女，更陪Uny揀BB衫，儼如一家人，其間小魚扭計，Him都愛屋及烏逗小魚開心。之後他們帶小魚到九龍城聖德肋撒醫院睇醫生，Him見Uny口罩歪了，主動幫手整理，非常細心。Uny接受電話訪問時說：「小魚去打五合一同甲型肝炎針，Him未係男朋友，我哋了解中，穩定咗至公開，我始終有個女嘛。」
採訪、攝影：徐錦池、畢紹基