「幫唔到最窮嗰批」基層難捱

【蘋果日報】林鄭月娥在扶貧工作方面未見成就，社區組織協會社區組織幹事吳衛東認為，她的扶貧措施根本力度不足，即使早前放寬在職家庭津貼計劃入息限額等，受惠人數仍不夠多；政府至今亦拒重推「N無津貼」，「派4,000蚊唔係畀N無，幫唔到最窮嗰批」。
在照顧最低下階層方面，吳衞東亦批評她做得不夠，例如近年露宿者人數再次上升，社署資料顯示登記露宿者人數由2013/14年度的746人，升至2017/18年度1,127人。吳亦批評政府拒推全民退保，而取消強積金對沖方案原本預計今年2月出爐，但至今仍未公佈具體方案。
無視勞工訴求
扶貧委員會非官方委員張國柱認為，林鄭表現尚算合格，雖然她拒推全民退保，與社會訴求背道而馳，但其他措施如取消強積金對沖將會於稍後出台，而針對罕見病患者的支援、對長者照顧者的支援等亦下了工夫，「可能得益嘅人唔夠多，但（表現）都算係合格」。張認為林鄭應在房屋措施方面加大力度，「講咗好耐嘅租津，如向輪候公屋超過3年嘅住戶提供津貼，點都唔肯做」。他指推租津雖然未必治本，但在房屋供應未能及時增加前，應推出此類短期措施協助基層。
至於勞工措施方面，職工盟總幹事蒙兆達則認為林鄭上任一年未能交到功課。他指上任特首梁振英「開空頭支票比較多，但林鄭連支票都唔開，完全冇承擔，將勞工訴求避開晒」。以標準工時為例，梁固然走數，但林鄭表明標時不在其議程上，只肯制訂沒有約束力的行業工時指引，根本是玩弄工人；最低工資亦無法做到勞工界要求的一年一檢；至於全民退保，「梁振英都話應承過做啲嘢，林鄭直情叫你死心，表明唔會搞」。至於預計未來將公佈的取消強積金對沖方案，他亦擔心會漠視年資長工友的需要，「梁振英用語言偽術呃你，林鄭就赤裸裸咁話唔做就唔做」，擔心林鄭未來施政會更向商界傾斜。
■記者鍾雅宜