同老公慶祝生日　大S：願永遠相親相愛

【蘋果日報】現年41歲嘅徐熙媛（大S）上月宣佈腹中嘅第三胎因為胚胎發育不全，所以終止懷孕。傷痛過後又係重新出發，天天都是好日子。
前晚11點59分，差一分就到昨日（27日）凌晨，大S已經率先喺微博發文，恭祝老公汪小菲37歲生日快樂，仲要肉麻留言：「親愛的老公，生日快樂！願我們永遠都是相親相愛的死小孩！Love you！」配上一張兩人頭貼頭嘅相，非常煙韌。佢哋嘅行為，被人取笑為向「單身狗」派狗糧，晒恩愛。有唔少網友大讚大S皮膚好，汪小菲再回應：「你看看，絕對沒ps吧。」令到唔少網友都話食狗糧都食飽。之後大S再度喺徵博出手留言：「難得24小時都跟老公相處在一起！回想起來忍不住想笑！」