【小米招股】「90後」開小米水貨舖高峰月賺十萬

【蘋果日報】小米正式進軍香港要數到2015年，在此之前要買到其手機，都是從內地轉運來港的水貨，當中就造就了「90後」米舖創辦人林子豪的創業故事。他憶述當年小米被港人質疑「國產貨得唔得架」，誰想到4年後卻成了首隻以「同股不同權」來港上市的新股。


林子豪中五會考只有幾分，但自小有就有一個創業夢，做過幾年銷售員後，與當時的女朋友一人夾6萬元先開設時裝店，「因為舖頭好細，男人好難睇鋪」故利用空餘時間在網上做些小生意，包括手機配件銷售等，至2013年尾，小米推出紅米手機以及小米2S，成就了他開設專賣小米產品的網上商店「米舖」。


「個陣好多香港人都仲未接觸到小米呢一個牌子，開始時好多人話，國產貨得唔得架。」由於是網店，故實際所需的資金成本不多，林子豪利用多張信用卡加上之前生意儲下的資金，開始在內地買入小米手轉售，「成本大約50至80萬，一個星期做500至800部，一個月盈利差唔多有10萬到。」


小米在2015年在旺角開小米之家之前，不少人都誤會米舖就是官方店，「我地都會強調返我地米舖只不過係一間賣小米產品嘅私人公司，有小米之家後會講返行貨同水貨之分。」他憶述當時第一批小米手機的客人最多是師奶，貪其夠平，買予小朋友使用，另外就是要用上兩部手機工作的上班族。


小米落戶香港後，林子豪可以售賣的產品亦愈來愈少，現時主要售賣香港仍然未推出的產品，如平衡車、智能管家、小米電視等等，當中最好賣的就是4,000多元的小米電視，但目前每月生意已回落到約50萬，賺約5至6萬元。


小米產品的毛利只有5%，林子豪的米舖卻做到有一成的利潤已十分不錯，但他強調難以靠小米「發大達」，皆因人人都可以賣。故年尾與女朋友拉埋天窗，但面對香港高昂的樓價仍只能嘆，「樓價真係太高啦，如果你靠自己，唔靠父母幹去買到樓，儲100至200萬唔係一件易事。」小米今個星期招股，他亦會落場抽新股以示支持，但資金有限，應該就不會「頂頭槌」了。