大便漏出　細菌入血易奪命

【蘋果日報】屯門醫院一位75歲男病人報稱在淋浴期間曾被人以硬物插入肛門，檢查後發現直腸位置出現一處約2厘米長的傷口，惟病人拒絕接受手術治療，之後情況轉差離世。外科專科醫生朱建華指出，直腸出現2厘米長傷口屬大創傷，「直腸穿窿好容易死人，唔及時治療絕對有生命危險，可以去得好快」。他解釋，大腸內充滿細菌，「穿咁大個窿，漏啲屎落個肚度，大便咁多細菌，細菌一入血引起敗血病咪死人」。


朱建華指，緊急手術治療為修補直腸手術，「要開肚搵返個窿出嚟、修補然後洗腸」，另需在直腸傷口前額外造人工造口排泄，「等啲大便唔好經過個穿窿地方」。他估計，病人或因腎功能不佳，評估過手術風險後拒絕接受治療，但認為若穿腸發現得早，手術風險不算太大，「創傷大唔大，視乎穿腸耐唔耐」。


屯院連續5年被評表現最差

屯門醫院過去屢獲「地獄」惡名，曾連續5年被醫管局評為表現最遜色醫院，預約和緊急手術病人死亡率都高於預期。過去半年，屯門醫院亦多次發生電力故障和非禮事件，3月5日，一名男護士懷疑非禮一名23歲女病人；3月12日，一名6歲男童在急症室等候時疑被鄰床患思覺失調男子觸摸下體，事發時無人陪伴在側。


■記者陳芷昕