新聞類別
財經
詳情#
【蘋果日報】以為唔使驚，阿爺喺大廳，點知人心仍怯。當A股見兩年低位、港股見今年低位之際，人行出手降準，中港股市定一定驚，可惜技術反彈過後，彈完就散。周一，滬指收跌1.05%，恒指收跌1.29%。臨近期指結算、季結同半年結，加上中美貿易戰駁火，本周安心睇波好過。
阿爺降準放水，大前提係「債轉股」，即係銀行由債主變成債仔嘅股東，雖然減低債仔破產嘅風險，但亦減弱降準對流動性流入實體經濟嘅乘數效應，股市得益有限。對內銀嚟講，債仔條數由不良貸款中剝離，但除非債仔業績好轉，否則持股亦會蝕錢，只係由其他項目反映。
當前最困擾A股嘅，係股權質押問題。近半個月，股權質押同融資融券爆倉慘烈，已有12間上市公司公告大股東有平倉風險。當前未解押嘅股票，市值約6萬億元人民幣，佔A股總市值約10.5%。上周監管部門已指示證券商，大額押股平倉需經審批。
除咗內憂，仲有外患。降準掃除唔到市場對貿易戰嘅憂慮，據《華爾街日報》講，美國將於本周再出兩招，加碼封殺「中國製造2025」：一，禁止中資持股25%以上公司投資美國科技公司；二，禁止關鍵技術出口中國。市傳「救火隊長」王岐山會去撲火，目前仍然得個講字。
7月6日係貿易戰D-Day，現時入市博反彈風險高，都係過埋下周先算；不過，可以做定功課揀定股份，等待「七翻身」。姑勿論貿易戰有冇彎轉，特朗普想推翻國際貿易秩序係不爭嘅事實，揀股宜揀受貿易糾紛衝擊較小嘅行業，甚至受惠嘅行業，例如農業股、重型機械股等。
重機股中，我較留意重汽（3808）。據里昂報告，重汽係貿易戰受惠股。該行預測，美國引擎製造商Cummins今、明兩年喺中國嘅銷量，將分別減少5%同15%，重汽同濰柴（2338）可望贏得更大市佔率。重汽連日破頂後回吐，現價14.24元，走勢呈現區域突破。
割柑人
本欄逢周二刊出
阿爺降準放水，大前提係「債轉股」，即係銀行由債主變成債仔嘅股東，雖然減低債仔破產嘅風險，但亦減弱降準對流動性流入實體經濟嘅乘數效應，股市得益有限。對內銀嚟講，債仔條數由不良貸款中剝離，但除非債仔業績好轉，否則持股亦會蝕錢，只係由其他項目反映。
當前最困擾A股嘅，係股權質押問題。近半個月，股權質押同融資融券爆倉慘烈，已有12間上市公司公告大股東有平倉風險。當前未解押嘅股票，市值約6萬億元人民幣，佔A股總市值約10.5%。上周監管部門已指示證券商，大額押股平倉需經審批。
除咗內憂，仲有外患。降準掃除唔到市場對貿易戰嘅憂慮，據《華爾街日報》講，美國將於本周再出兩招，加碼封殺「中國製造2025」：一，禁止中資持股25%以上公司投資美國科技公司；二，禁止關鍵技術出口中國。市傳「救火隊長」王岐山會去撲火，目前仍然得個講字。
7月6日係貿易戰D-Day，現時入市博反彈風險高，都係過埋下周先算；不過，可以做定功課揀定股份，等待「七翻身」。姑勿論貿易戰有冇彎轉，特朗普想推翻國際貿易秩序係不爭嘅事實，揀股宜揀受貿易糾紛衝擊較小嘅行業，甚至受惠嘅行業，例如農業股、重型機械股等。
重機股中，我較留意重汽（3808）。據里昂報告，重汽係貿易戰受惠股。該行預測，美國引擎製造商Cummins今、明兩年喺中國嘅銷量，將分別減少5%同15%，重汽同濰柴（2338）可望贏得更大市佔率。重汽連日破頂後回吐，現價14.24元，走勢呈現區域突破。
割柑人
本欄逢周二刊出
回應 (0)
