林芊妤入票LP6

【蘋果日報】將軍澳日出康城新盤LP6將明日次輪認購，發售488伙，昨晚八時截止認購登記前夕，現年28歲的藝人林芊妤（Coffee，圖）作最後衝刺，大住肚睇樓兼入票，打算購入單位投資之用。
林芊妤昨現身LP6設於九龍灣的售樓處，她參觀示範單位後並入票認購。本報昨向Coffee查詢，她表示「個經紀畀資料佢，叫佢去睇吓，覺得幾吸引同幾抵就去抽吓籤。至於會否是結婚禮物，她笑言：「老公唔知㗎，我同佢財政獨立，自己諗住買嚟投資之嘛，唔係結婚禮物呀，邊有呢啲嘢㗎，同埋我唔鍾意人哋買嘢畀我，鍾意自己買畀自己。」
不過，Coffee估計自己未必抽得到，但都冇所謂，說：「之前嗰間買嚟自住，屋企人住緊，咁見呢度都近屋企，覺得環境都幾好就抽吓。」消息指，項目暫收逾5,000票，據知九成為復活票。另同系深水灣徑8號推出7伙單位下周四招標。