新聞類別
娛樂
詳情#
【蘋果日報】現年44歲的李漫芬（Fanny）去年與圈外男友談成坤（Alvin）結婚後，今年4月1日愚人節誕下女兒談在心。昨晚Fanny與老公於尖沙嘴一酒家為囡囡筵開15席擺百日宴，陳煒、謝雪心、楊明與女友莊思明等到賀。Fanny一家三口合照時，兩公婆一度爭抱BB十分搞笑，而B女穿粉紅色衣服及戴上大蝴蝶十分可愛，面對鏡頭時亦沒有扭計，十分乖巧。
湊B胸肌消失
問到B女會否難湊時，Fanny說：「托賴都OK嘅，因為佢成日都笑，有對腰果眼，好冧到爸爸，以前爸爸收工返嚟第一個錫我，依家就唔係，第一個錫囡囡，我依家地位不保。」Fanny指囡囡已戒夜奶，自己頭一個月連睡覺時間也沒有，但最辛苦的時間已過去。Alvin如此冧囡囡，問她會否呷醋？豈料Alvin即刻笑笑口說：「上年我哋感情好好，不過依家爭少少囉。」Alvin表示希望追多個仔，但Fanny就稱隨緣。生完BB後的Fanny努力收身，但Alvin就因忙湊B及做家務，瘦到連胸肌都消失。
陳煒首次上契
至於煒哥原來是B女契媽，她說：「談在心係我第一個契女，其實我奉獻咗好多第一次畀Fanny，佢結婚時我自薦做姊妹團同做MC，既然我同佢咁投契，所以叫佢快啲生B，咁我就可以做契媽，今次第一次見契女，送上祝福同小小心意，有小小心意，佢大個咗先至會孝順我㗎嘛。我諗談在心咁乖，Fanny都好想快啲生多個嘅。」
採訪、攝影：黃曉妍
湊B胸肌消失
問到B女會否難湊時，Fanny說：「托賴都OK嘅，因為佢成日都笑，有對腰果眼，好冧到爸爸，以前爸爸收工返嚟第一個錫我，依家就唔係，第一個錫囡囡，我依家地位不保。」Fanny指囡囡已戒夜奶，自己頭一個月連睡覺時間也沒有，但最辛苦的時間已過去。Alvin如此冧囡囡，問她會否呷醋？豈料Alvin即刻笑笑口說：「上年我哋感情好好，不過依家爭少少囉。」Alvin表示希望追多個仔，但Fanny就稱隨緣。生完BB後的Fanny努力收身，但Alvin就因忙湊B及做家務，瘦到連胸肌都消失。
陳煒首次上契
至於煒哥原來是B女契媽，她說：「談在心係我第一個契女，其實我奉獻咗好多第一次畀Fanny，佢結婚時我自薦做姊妹團同做MC，既然我同佢咁投契，所以叫佢快啲生B，咁我就可以做契媽，今次第一次見契女，送上祝福同小小心意，有小小心意，佢大個咗先至會孝順我㗎嘛。我諗談在心咁乖，Fanny都好想快啲生多個嘅。」
採訪、攝影：黃曉妍
回應 (0)
