新聞類別
娛樂
詳情#
【蘋果日報】何冠寰，名字有點陌生，但他的片你或有印象。五年前，時為導演的他在YouTube上載恐怖電影《生前必做七件事》宣傳片，片中女子在暗室嚎哭呼叫，引起警方調查，最終他涉浪費警力被捕。這爭議片段為他贏得國際獎項，但卻從此消失電影圈。不過，出色的「異類」總惹人注意，何冠寰以何Wayne之名在YouTube開頻道講波，以獨特聲線、自創詞彙和評述風格，殺出一條血路，名副其實「邊度跌低邊度企起身」。
說起講波之路，源於當年的無心插柳，何Wayne接受訪問時說：「當時留意到一位評述員，就係我偶像何輝，佢嘅評述方法啟發到我。結果畀我發現足球有兩種最大路嘅比賽品種：一種叫攻防戰；一種叫對攻。開始形式咗我足球理論嘅初型。」這種看似「紙上談兵」的理論，卻有結果去引證，四年前巴西世界盃舉行之前，何Wayne已預測到巴西和西班牙兩支勁旅不能奪冠。「我見到巴西有太多冇整體意識嘅球員，話巴西唔會攞到冠軍。西班牙隊入面一隻綠葉都冇，我就話西班牙喺小組賽就會出局。」
到去年英超剛開季，何Wayne以足球理論去預測頭六名排名，幾乎全中，有網民甚至以「何Sir」尊稱他，着他考教練牌執教港隊。不過，何Wayne最厲害之處，其實是自12年開設YouTube頻道，每天堅持拍片講波：「初初做嘅時候聽眾好鍾意，叫我不如試吓做全職，於是每日堅持出一條片。我諗最大困難係每月要睇50場波，到家我都好肯定同大家講，仲未厭嘅！」六年日子裏，難免有想偷懶時候，何Wayne笑說：「精神上想放假，但有啲嘢唔做唔安樂，唔講亦唔安心。」
現時何Wayne已轉型做全職YouTuber，頻道超過1萬5千訂閱人數，問到每月可有多少收入，他笑說：「家嘅收入可以令到我有尊嚴地生活，但係未能夠安穩地生活。」他亦間中會舉行一些網聚賺些外快：「好多朋友都想同我一齊睇波，或者現場打吓遊戲機，世界盃就好機會啦，可以約埋一個地點到搞網聚。」
有追聽何Wayne的聽眾，都會留意到他講波時不時加插一些如「支插停」、「主攻陷阱」、「假對攻」、「明買明賣」等自創詞彙，別樹一格，他說：「點解要自創一啲容易記、或者得意嘅名？源於我另一種堅持，就係對創意嘅堅持。呢樣係讀電影時獲取番嚟。」當年何Wayne在浸大修讀電視電影學系，偏向喜歡另類題材，以至後來拍出惹人爭議的《生前必做七件事》。雖然今日轉行講波，但他沒有放棄做電影的夢想：「做電影永遠都係我嘅夢想，因為我認為未來嘅人類，夢想係必需品。有陣時我諗到啲特別嘅故事會寫低佢，到時機到再拎出嚟睇吓得唔得。」
採訪：馮國康
攝錄：Neo、吉吉
說起講波之路，源於當年的無心插柳，何Wayne接受訪問時說：「當時留意到一位評述員，就係我偶像何輝，佢嘅評述方法啟發到我。結果畀我發現足球有兩種最大路嘅比賽品種：一種叫攻防戰；一種叫對攻。開始形式咗我足球理論嘅初型。」這種看似「紙上談兵」的理論，卻有結果去引證，四年前巴西世界盃舉行之前，何Wayne已預測到巴西和西班牙兩支勁旅不能奪冠。「我見到巴西有太多冇整體意識嘅球員，話巴西唔會攞到冠軍。西班牙隊入面一隻綠葉都冇，我就話西班牙喺小組賽就會出局。」
到去年英超剛開季，何Wayne以足球理論去預測頭六名排名，幾乎全中，有網民甚至以「何Sir」尊稱他，着他考教練牌執教港隊。不過，何Wayne最厲害之處，其實是自12年開設YouTube頻道，每天堅持拍片講波：「初初做嘅時候聽眾好鍾意，叫我不如試吓做全職，於是每日堅持出一條片。我諗最大困難係每月要睇50場波，到家我都好肯定同大家講，仲未厭嘅！」六年日子裏，難免有想偷懶時候，何Wayne笑說：「精神上想放假，但有啲嘢唔做唔安樂，唔講亦唔安心。」
現時何Wayne已轉型做全職YouTuber，頻道超過1萬5千訂閱人數，問到每月可有多少收入，他笑說：「家嘅收入可以令到我有尊嚴地生活，但係未能夠安穩地生活。」他亦間中會舉行一些網聚賺些外快：「好多朋友都想同我一齊睇波，或者現場打吓遊戲機，世界盃就好機會啦，可以約埋一個地點到搞網聚。」
有追聽何Wayne的聽眾，都會留意到他講波時不時加插一些如「支插停」、「主攻陷阱」、「假對攻」、「明買明賣」等自創詞彙，別樹一格，他說：「點解要自創一啲容易記、或者得意嘅名？源於我另一種堅持，就係對創意嘅堅持。呢樣係讀電影時獲取番嚟。」當年何Wayne在浸大修讀電視電影學系，偏向喜歡另類題材，以至後來拍出惹人爭議的《生前必做七件事》。雖然今日轉行講波，但他沒有放棄做電影的夢想：「做電影永遠都係我嘅夢想，因為我認為未來嘅人類，夢想係必需品。有陣時我諗到啲特別嘅故事會寫低佢，到時機到再拎出嚟睇吓得唔得。」
採訪：馮國康
攝錄：Neo、吉吉
回應 (0)
