猷亨陳瀅掟煲唔掟蓋

【蘋果日報】【爆相爆片】賭王四太梁安琪長子何猷亨前年與宅男女神陳瀅分手，回歸單身筍盤未有新戀情。不過，忙為家族生意打拼的他與陳瀅分手後仍有聯絡，一直保持再見亦是朋友的相處方式。日前，有《蘋果》讀者吳先生透過「爆相爆片」直擊兩人在中環ifc的法國餐廳Joel Robuchon茶聚，他表示：「佢哋個位都幾開揚，全程有講有笑，食到四點幾就走。聽講間餐廳都係何氏家族有份投資，但埋單時猷亨都有畀錢。」之後，猷亨與陳瀅就轉場到連卡佛閒逛。
異口同聲說撞到
本報就聯絡過兩位當事人，問到兩人是否復合，她以短訊回覆：「No la，咁啱撞到say個hi only，佢本身自己喺到食lunch，我經過見到就坐咗一陣only，坐咗10幾分鐘都畀人影到。」猷亨就表示：「撞到，坐低食嘢，我不嬲都平時喺嗰度食lunch，食完lunch上ifc開會，之後撞到佢，傾一陣偈，就係咁。」
採訪：嵐山、唐如