新聞類別
港聞
詳情#
【蘋果日報】樓價租金升勢不止，劏房、納米樓越起越多，港人被迫越住越細。每日生活於百多呎的斗室，活動空間有限，連洗衫煮飯等日常家務事竟變得奢侈。土瓜灣、深水埗及佐敦等舊區劏房林立，居民對洗衫有需求，令24小時自助洗衣店如雨後春筍湧現。樓市怪現象下，有智能櫃公司拓展業務，除了提供一般取件服務，連磅洗、乾洗衣服，甚至連無味精老火湯都有提供，全部靠智能櫃收取，照顧蝸居一族日常所需。
本港土地問題嚴峻，樓價高企，租金也水漲船高，全港最少有21萬人居於劏房、板間房等不適切居所。百多呎的斗室，居民與木蝨曱甴為伴，放一張床已顯得擠逼，遑論可容下一部洗衣機，或一個煮食爐，即使手洗衫，無窗無陽光的斗室內，衣服也無處「容身」。
樓市怪現象下，衍生不少新興行業。「Pakpobox派宝箱」於2014年底成立，全港目前已有63個智能櫃地點，主要提供取件服務。「Pakpobox派宝箱」行政總裁及聯合創辦人吳樞棋稱，今年4月開始，智能櫃除了提供取件及退件服務，逾半智能櫃更提供磅洗、乾洗衣服，本月開始更逐步在旗下智能櫃提供無味精的老火湯服務。
吳樞棋稱，Pakpobox的智能櫃最初成立時主要提供取件服務，但社會環境轉變，樓價高企，港人居住面積越來越細，加上工時長，「冇時間、住地方細…得100呎劏房冇洗衣機、冇爐具，平時喺屋企可以Handle嘅嘢…唔可以喺自己屋企做到…要做嘅嘢都要外判出去」。
Pakpobox目前除了提供基本的取件服務，也有提供洗衣、乾洗等服務，「將袋污糟衫放入嗰櫃，我哋就會有人收袋衫，然後攞去洗，洗好放返入去櫃，客人就可以去攞」。他指洗衣服務每次收費80元，大約可清洗約14磅的衣服，「社會環境轉變、我哋想做到一個自動化平台」。
除了磅洗、乾洗衣服，派宝箱本月起與本地小店「正湯寶寶」合作，透過智能櫃提供無味精老火湯，「用智能櫃嘅客人，屋企冇位擺洗衣機，又冇時間煲湯，佢哋可以喺智能櫃落ORDER（訂單）後，就有真空包裝嘅老火湯飲」。
鮑國偉（Jason）是「正湯寶寶」創辦人，自細在土瓜灣長大，「細細個就好鍾意飲阿媽煲嘅老火湯，大個咗成日因為返工OT，想飲啖湯都難」。Jason遂辭去企業顧問一職，去年11月創辦正湯寶寶，盼為區內長者、街坊提供無味精的老火湯，該店現時在土瓜灣及柴灣均有地舖出售真空包裝的老火湯。
在土瓜灣經營約半年時間，不少街坊來自劏房，「佢哋話地方細，冇地方煲湯，好似土瓜灣十三街劏房都幾密集，80、90呎劏房可能只放到一張床，唔好講話有冇廚房，一個人可能都係啱啱好瞓到落去，想飲啖湯對佢哋嚟講係好難」。今年初Pakpobox與他接洽，「問我哋有冇興趣用智能櫃送湯，我覺得好方便」。
未來納米樓、蚊型樓勢成主流，「基本上冇廚房煮食，要食嘢要走出街」。智能櫃就可提供送湯服務，該店現時兩間地舖每日可製作約500個無味精湯包，材料也每日會新鮮採購，「每日提供嘅湯包會按時節、季節…冬天會多滋補湯，好似花膠湯、夏天就消暑湯等…唔會落味精，確保原汁原味」。
為確保湯包品質，Jason稱，智能櫃送湯服務需一日前落單，「我哋收到單第二朝會煲湯，再透過物流團隊在6、7點前送湯到智能櫃」。而老火湯除了採用真空包裝及保溫袋，「包湯如果喺智能櫃放多過4小時，個櫃就會上鎖，客人就唔會攞到包湯」。現時每日提供一款老火湯，每包350毫升的老火湯，售價33元。
記者：譚靜雯、李詠希
攝影：李潤芳、許頌明、張志華、何建忠、江俊豪
本港土地問題嚴峻，樓價高企，租金也水漲船高，全港最少有21萬人居於劏房、板間房等不適切居所。百多呎的斗室，居民與木蝨曱甴為伴，放一張床已顯得擠逼，遑論可容下一部洗衣機，或一個煮食爐，即使手洗衫，無窗無陽光的斗室內，衣服也無處「容身」。
樓市怪現象下，衍生不少新興行業。「Pakpobox派宝箱」於2014年底成立，全港目前已有63個智能櫃地點，主要提供取件服務。「Pakpobox派宝箱」行政總裁及聯合創辦人吳樞棋稱，今年4月開始，智能櫃除了提供取件及退件服務，逾半智能櫃更提供磅洗、乾洗衣服，本月開始更逐步在旗下智能櫃提供無味精的老火湯服務。
吳樞棋稱，Pakpobox的智能櫃最初成立時主要提供取件服務，但社會環境轉變，樓價高企，港人居住面積越來越細，加上工時長，「冇時間、住地方細…得100呎劏房冇洗衣機、冇爐具，平時喺屋企可以Handle嘅嘢…唔可以喺自己屋企做到…要做嘅嘢都要外判出去」。
Pakpobox目前除了提供基本的取件服務，也有提供洗衣、乾洗等服務，「將袋污糟衫放入嗰櫃，我哋就會有人收袋衫，然後攞去洗，洗好放返入去櫃，客人就可以去攞」。他指洗衣服務每次收費80元，大約可清洗約14磅的衣服，「社會環境轉變、我哋想做到一個自動化平台」。
除了磅洗、乾洗衣服，派宝箱本月起與本地小店「正湯寶寶」合作，透過智能櫃提供無味精老火湯，「用智能櫃嘅客人，屋企冇位擺洗衣機，又冇時間煲湯，佢哋可以喺智能櫃落ORDER（訂單）後，就有真空包裝嘅老火湯飲」。
鮑國偉（Jason）是「正湯寶寶」創辦人，自細在土瓜灣長大，「細細個就好鍾意飲阿媽煲嘅老火湯，大個咗成日因為返工OT，想飲啖湯都難」。Jason遂辭去企業顧問一職，去年11月創辦正湯寶寶，盼為區內長者、街坊提供無味精的老火湯，該店現時在土瓜灣及柴灣均有地舖出售真空包裝的老火湯。
在土瓜灣經營約半年時間，不少街坊來自劏房，「佢哋話地方細，冇地方煲湯，好似土瓜灣十三街劏房都幾密集，80、90呎劏房可能只放到一張床，唔好講話有冇廚房，一個人可能都係啱啱好瞓到落去，想飲啖湯對佢哋嚟講係好難」。今年初Pakpobox與他接洽，「問我哋有冇興趣用智能櫃送湯，我覺得好方便」。
未來納米樓、蚊型樓勢成主流，「基本上冇廚房煮食，要食嘢要走出街」。智能櫃就可提供送湯服務，該店現時兩間地舖每日可製作約500個無味精湯包，材料也每日會新鮮採購，「每日提供嘅湯包會按時節、季節…冬天會多滋補湯，好似花膠湯、夏天就消暑湯等…唔會落味精，確保原汁原味」。
為確保湯包品質，Jason稱，智能櫃送湯服務需一日前落單，「我哋收到單第二朝會煲湯，再透過物流團隊在6、7點前送湯到智能櫃」。而老火湯除了採用真空包裝及保溫袋，「包湯如果喺智能櫃放多過4小時，個櫃就會上鎖，客人就唔會攞到包湯」。現時每日提供一款老火湯，每包350毫升的老火湯，售價33元。
記者：譚靜雯、李詠希
攝影：李潤芳、許頌明、張志華、何建忠、江俊豪
回應 (0)
