新聞類別
娛樂
詳情#
【蘋果日報】楊千嬅同老公丁子高噚日夫妻檔現身香港迪士尼樂園，參與「迪士尼巨星嘉年華──大玩水花」宣傳，佢哋活動上分享咗動畫電影《超人特工隊2》（Incredibles2）配音趣事，聲演超能太太嘅千嬅話呢次配音難處係要以聲去演超能力嘅力度，所以配音時要周身郁似好好打咁。首次配音嘅丁子高聲演超能先生，佢話最難想像係被打感覺，千嬅即笑話：「你早講，我幫你。」丁子高話：「你用手，人哋用腳踢。」千嬅即話用腳踢佢都做得到。
能夠以父母角色透過電影去講道理出嚟，千嬅夫婦話覺得好有意義，講到若能為對方配上一樣超能力，丁子高話：「我會畀佢做冰條俠，當佢想雪凍嘢飲可以自己凍，最驚佢識將人瞬間轉移，怕同佢傾偈時，如果唔啱聽，就唔知將我變咗去邊。」千嬅話想畀老公有隱形功能，因為丁子高對任何事物都有好奇心。
問Torres意見
戲中夫婦經常嗌交，千嬅話現實生活中兩人有意見不合時，都會為型唔會大聲嘈，丁子高話以後嗌交會學超能先生裝兇作勢，千嬅就好奇問自己到時要點做，丁子高話：「彈開。」佢哋今次接配音工作，竟第一個問囝囝Torres意見，因囝囝好鍾意第一集，Torres知道父母聲演超人就問做乜嘢角色，千嬅話：「我同佢講你太細，等你講嘢再清楚啲先，乘機叫佢學講嘢。」
撰文：馮仁昭
能夠以父母角色透過電影去講道理出嚟，千嬅夫婦話覺得好有意義，講到若能為對方配上一樣超能力，丁子高話：「我會畀佢做冰條俠，當佢想雪凍嘢飲可以自己凍，最驚佢識將人瞬間轉移，怕同佢傾偈時，如果唔啱聽，就唔知將我變咗去邊。」千嬅話想畀老公有隱形功能，因為丁子高對任何事物都有好奇心。
問Torres意見
戲中夫婦經常嗌交，千嬅話現實生活中兩人有意見不合時，都會為型唔會大聲嘈，丁子高話以後嗌交會學超能先生裝兇作勢，千嬅就好奇問自己到時要點做，丁子高話：「彈開。」佢哋今次接配音工作，竟第一個問囝囝Torres意見，因囝囝好鍾意第一集，Torres知道父母聲演超人就問做乜嘢角色，千嬅話：「我同佢講你太細，等你講嘢再清楚啲先，乘機叫佢學講嘢。」
撰文：馮仁昭
回應 (0)
