【馮仁昭四圍超】陳煒慳家搬細屋

【蘋果日報】無綫《宮心計2深宮計》中演出太平公主嘅陳煒，44歲嘅佢同台灣富商前夫顏志行離婚六年，煒哥復出拍劇，佢得到《深宮計》帶挈，頻頻接騷，不過近日周刊卻爆料煒哥大屋搬細屋，由西灣臺1號豪宅搬去油塘，租金平一大截當然。有指佢跟前夫再見亦係朋友，對方想喺香港買樓畀煒哥，但佢拒絕，唔想靠對方。煒哥否認前夫送樓一事，佢話一路以嚟都係靠自己。
撰文：馮仁昭