聘顧問審視沙中綫工序　拒回應會否辭職馬時亨認港鐵對禮頓冇符

【蘋果日報】港鐵沙中綫接連爆出豆腐渣工程，紅磡站、土瓜灣站和會展站相繼出問題，港鐵被斥隱瞞事件，主席馬時亨承認通報機制有不理想地方，部份事故連高層亦不知情，董事局已要求聘請顧問檢視沙中綫工序，但拒回應會否就事件辭職。他又承認對承建商禮頓「冇符」，無法迫使對方公開交代事件。港鐵又承認會展站的不合格報告不止3份，但拒披露不合格報告數目及內容，更稱不合格乃常見，「唔係一件唔好嘅事，代表察覺到冇依圖則做」。
記者：鍾雅宜
沙中綫工程接連爆出醜聞，港鐵董事局召開特別會議後，主席馬時亨等高層見記者，馬指港鐵董事局關注沙中綫事件，繼上周責成管理層審視沙中綫工程及改善通報機制後，昨再決定要求港鐵的工務委員會及工程委員會檢討沙中綫工程和程序，會聘顧問協助，期望3個月內完成檢討。
拒披露不合格報告數目
馬時亨承認通報機制「有啲地方肯定唔理想，應該上報畀政府嘅冇做到，甚至好高級嘅管理層喺之後先知道問題」，絕對有改善空間，故會要求委員會檢視。對於涉及紅磡站事件的承建商禮頓一直無對外回應事件，馬時亨被追問港鐵是否對禮頓「冇符」，無法迫使他們交代事件時，他稱：「呢方面我同意你嘅講法。」被問到如何懲處承建商，港鐵行政總裁梁國權稱正檢視合約，日後工程招標時會檢視承建商過去表現。
對於港鐵在多個工程發出不合格報告但無對外公佈，港鐵工程總監黃唯銘指如工序未依圖則施工，港鐵會發不合格報告書，但只會在涉安全問題時才對外公佈。
他拒絕透露報告數目，只承認涉及會展站的不合格報告「肯定多過3張」，又稱不合格報告常見，「唔係一件唔好嘅事，代表察覺到冇依圖則做」，會要求承建商處理好。馬時亨更指：「地盤有好多不合格報告，如果攞晒出來講畀大家聽，市民可能都覺得冇咁嘅需要。」
對於為何紅磡站涉及安全問題卻不公佈，黃唯銘指因當時看到不合規施工後已要求承建商糾正，月台已合規格，稱「之前睇嘅不合格報告都冇安全情況」。
民主黨議員林卓廷批評，沙中綫工程質素監管瀕臨崩潰，管理層又未交代如何問責，監管沙中綫的管理層需「換馬」。他亦質疑港鐵指委託顧問公司作出檢討，因為熟悉鐵路的公司均與港鐵有緊密關係，質疑能否做到獨立檢討。