溫碧霞開騷展唱功

【蘋果日報】51歲美魔女溫碧霞（Irene）昨晚假旺角麥花臣場館舉行處女騷「海潮演唱會」，老公何祖光帶八歲養子何國倫撐場，袁潔瑩、林建名、袁嘉敏、尹揚明、余慕蓮等捧場，現場以中年觀眾居多。Irene穿紅色玫瑰花deep V裙性感登場，坐在櫻花樹下的韆鞦架唱《海潮》，高音位表現穩定。
Irene說：「好開心，呢個係我第一個演唱會，今次用海潮呢個名做演唱會個名，希望可以用音樂分享我嘅感受，陪着我走。」之後首位嘉賓吳浩康（Deep）出場合唱《停不了的愛》，惟Deep唱得竟差過Irene，每段頭一、兩句都唱到冇乜聲！唱完後，Irene都叫觀眾給Deep掌聲。
採訪：馬建華
攝影：陳慧安