有樓有高潮　港男的錯覺

【蘋果日報】曾有港女在電視節目高呼「有樓有高潮」，Eros鄭重否定這套理論。她反指，這是很多港男強加諸港女身上的錯覺。「香港嘅男仔認為有樓就可以結婚，但係唔係囉。」Eros說，曾經認識一位港男，有次突然跟她說：「你同我結婚喇，層樓寫你個名。」她承認當時有點心動，「但係又諗，唔係因為咁樣要成個幸福交畀你，好似唔符合情理。有樓有高潮？又唔係咁講嘅」。
「（新加坡男人）可能當過兵，有責任感啲，同埋我覺得man啲囉，係真係man啲嘅。同埋老實啲。」
訪問期間，Eros的夫婿一直在旁。記者問她新加坡男孩有何優點，她說：「可能當過兵，有責任感啲，同埋我覺得man啲囉，係真係man啲嘅。同埋老實啲。」她又說，港男對女士要求比較高，「即係要着得好靚、好四正。你睇番新加坡，你見到啲人着得好casual，踢住對拖鞋就出街，佢哋嘅要求冇咁高，咁你會舒服啲囉」。
然而，在新加坡生活了兩年，Eros也有不舒服的時候。例如生活圈子，「我喺度識嘅好多都係香港人，本地人少好多。因為語言上或者文化上，始終香港人同聲同氣，close啲開心啲」。
新加坡大多通曉兩文三語，中英文、英語、普通話和廣東話。Eros堅持使用母語，「呢度嘅人有啲驕傲，我試過四、五次俾人講我唔識英文，佢哋覺得自己英文好勁，我有啲唔舒服」。她不愛說普通話，因為一出口就會「令到人哋覺得我係內地人，就會有少少歧視，覺得你係低一個層次。咁久而久之我咪講廣東話囉，咁事實上呢度嘅人多數都識聽廣東話囉，都歡迎香港人嘅」。