新聞類別
港聞
詳情#
【蘋果日報】旺角騷亂案中判刑最重、因暴動罪被判監7年的盧建民，在建制派眼中是暴徒，在戰友中卻是對香港有深厚感情的港青。與盧相識超過10年的「女長毛」雷玉蓮透露，盧除了是首個向九龍灣工廈火災消防員送水的香港人，過去5年亦是少數陪她悼念十一南丫海難死者的有心人，即使盧被判暴動罪成入獄，亦毋忘這5年來的堅持，「今年海難第6年，佢（盧）發夢都估唔到自己去唔到；佢好唔開心，叫我要幫佢（為死者）裝多幾炷香」。
記者：林俊謙
法官重判盧建民入獄7年之時，表明不能以「個人背景」作求情理由，與盧建民相識於10多年前支聯會一次平反六四遊行的雷玉蓮接受《蘋果》訪問分享盧鮮為人知的事。談到盧被重判，雷激動落淚：「佢係一個好有骨氣嘅人，佢成日都話『就算做咗善事，都唔好話畀人知，唔好去攞光環』。」
拿1號籌旁聽旺角騷亂案
雷玉蓮指盧有3件事令她印象深刻，包括數年前在深水埗遇見收入不多的盧，自掏腰包買了多個飯盒，「我問佢點解買咁多飯盒？佢話因為有好多乞兒，我買畀佢哋食」。第二件令雷印象深刻的是前年導致消防員殉職的九龍灣工廈火警發生時，盧買了6、7支水送給消防員，「佢同我講呢啲係香港人應該做，因為佢哋（消防員）係為我哋去救火，佢係第一個買水畀消防員飲嘅人，其後傳媒報道咗，跟住其他巿民就跟住去做」。
然而，最令雷玉蓮感觸的是盧建民過去5年都陪她到前往南丫島的中環碼頭，悼念2012年10月1日南丫海難死難者，「我同佢拜死難者時，第1年只有2、3個人，第2年10幾個，第3、4年再多啲，舊年第5年有30幾個，今年海難第6年，佢發夢都估唔到自己去唔到，佢好唔開心，跟住我自己都要忍眼淚，佢叫我要幫佢裝多幾炷香」。
雷表示，盧因暴動罪到高等法院審訊期間，她曾前往探望，「佢（盧）同我講，你記得10月1號去拜死難者，今年佢同唔到我去嘞……」說到此時不禁哽咽的雷反問：「一個人如果係頑劣，佢一隻腳踏咗入法庭，點會仲掛住要拜死難者？ 雷玉蓮為確保自己能在盧一旦被判罪成入獄時，坐在對正犯人欄的位置目送對方，就算判刑前一晚身體不適，仍於開庭前的凌晨時分在高院外通宵排隊輪候僅20個名額的公眾人士席位，最終取得1號入場券。雷庭上驚聞盧被重判7年後即衝前與眼帶淚光的盧握了一下手，「我知道今次判得咁重，要7年後先可以再捉佢嘅手」。說到此時一向硬淨的雷不禁淚如雨下，「依家有啲人話佢（盧）頑劣、抵佢死、衰格，我話番畀佢哋聽，十濁都有一清，十清都有一濁，我識嘅光明仔，唔係佢哋諗嘅咁！」
記者：林俊謙
法官重判盧建民入獄7年之時，表明不能以「個人背景」作求情理由，與盧建民相識於10多年前支聯會一次平反六四遊行的雷玉蓮接受《蘋果》訪問分享盧鮮為人知的事。談到盧被重判，雷激動落淚：「佢係一個好有骨氣嘅人，佢成日都話『就算做咗善事，都唔好話畀人知，唔好去攞光環』。」
拿1號籌旁聽旺角騷亂案
雷玉蓮指盧有3件事令她印象深刻，包括數年前在深水埗遇見收入不多的盧，自掏腰包買了多個飯盒，「我問佢點解買咁多飯盒？佢話因為有好多乞兒，我買畀佢哋食」。第二件令雷印象深刻的是前年導致消防員殉職的九龍灣工廈火警發生時，盧買了6、7支水送給消防員，「佢同我講呢啲係香港人應該做，因為佢哋（消防員）係為我哋去救火，佢係第一個買水畀消防員飲嘅人，其後傳媒報道咗，跟住其他巿民就跟住去做」。
然而，最令雷玉蓮感觸的是盧建民過去5年都陪她到前往南丫島的中環碼頭，悼念2012年10月1日南丫海難死難者，「我同佢拜死難者時，第1年只有2、3個人，第2年10幾個，第3、4年再多啲，舊年第5年有30幾個，今年海難第6年，佢發夢都估唔到自己去唔到，佢好唔開心，跟住我自己都要忍眼淚，佢叫我要幫佢裝多幾炷香」。
雷表示，盧因暴動罪到高等法院審訊期間，她曾前往探望，「佢（盧）同我講，你記得10月1號去拜死難者，今年佢同唔到我去嘞……」說到此時不禁哽咽的雷反問：「一個人如果係頑劣，佢一隻腳踏咗入法庭，點會仲掛住要拜死難者？ 雷玉蓮為確保自己能在盧一旦被判罪成入獄時，坐在對正犯人欄的位置目送對方，就算判刑前一晚身體不適，仍於開庭前的凌晨時分在高院外通宵排隊輪候僅20個名額的公眾人士席位，最終取得1號入場券。雷庭上驚聞盧被重判7年後即衝前與眼帶淚光的盧握了一下手，「我知道今次判得咁重，要7年後先可以再捉佢嘅手」。說到此時一向硬淨的雷不禁淚如雨下，「依家有啲人話佢（盧）頑劣、抵佢死、衰格，我話番畀佢哋聽，十濁都有一清，十清都有一濁，我識嘅光明仔，唔係佢哋諗嘅咁！」
回應 (0)
