香香加國打高球證冇孕

【蘋果日報】加入無綫7年的岑麗香，為調理身體準備生B而於本月中約滿離巢。身在加拿大的香香昨回覆傳媒說：「呢幾日我同TVB約已經滿咗，我飛咗去加拿大，探屋企人，同時可以唞吓同放吓假，仲有好多wedding要參與。多謝你哋關心，我take完呢個break後，我叉好電就會返嚟香港同大家say hello同見面。」但言談間未有回應她是否懷孕，及有關她不滿被唐詩詠搶角色傳聞。
另外，香香昨日又在Ig分別發文，其中一段打高爾夫球的短片中，仍見她身形纖瘦，間接粉碎懷孕傳聞。她又撰文感謝無綫高層樂易玲、曾勵珍和余詠珊教導、鼓勵和給她機會，香香說：「我暫時畀心機同屋企人放假，讓身體回復最佳狀態！放完假再努力工作。」
至於唐詩詠與陳展鵬昨日在馬鞍山出席宣傳活動，詩詠回應傳聞指她取代香香演新劇女主角，令對方拒絕續約，詩詠澄清謂：「誤會嚟嘅！我都冇權去揀，呢啲係公司安排，我從來都唔知會演乜劇，我亦冇特別去關心佢唔續約嘅原因。」
採訪：嵐山