【父親節】爸爸的前世情人　媽媽一樣錫到暈

【蘋果日報】常言道，女兒是父親的前世情人，是否前世情人，或者只有父女之間才有心靈感應，在旁的母親及妻子又是否認同這番說話呢？《蘋果》訪問了一些母親，有些認同，有些並不，但她們都說不會呷醋，因為女兒除了是爸爸的前世情人，也是媽媽的小情人。
有些媽媽認同女兒是丈夫的前世情人，梁太說，「因為女仔真係好嗲，會氹得爸爸好開心，不過個女對我哋兩個都好好」。黃太覺得，有了女兒後，先生的轉變很大，「以前佢瞓到好晏先起身，依家係全家最早起身，因為要搞掂阿女嘅嘢」。另一個黃太認為，女兒未出世前，丈夫只專注她一人，「出咗世之後就專注喺個女到，但唔會呷醋，因為佢都係我個女」。
雖然有媽媽認同，但也有些媽媽認為，其實女兒並非丈夫的前世情人，趙太說，「呢句說話就同個仔係媽媽前世男朋友一樣，無乜特別」。而黃太則覺得，兩種愛並不一樣，「始終愛情同親情係有分別，我覺得我先生對我同埋對囡嘅愛唔一樣」。
記者李雨夢