新聞類別
娛樂
詳情#
【蘋果日報】艾威和吳國敬被目睹上周五晚到尖東帝苑酒店出席黑幫勝和元老「雞腳黑」（全名招國強）壽宴，當晚還有不少江湖朋友到賀，而警方亦派出多名反黑組探員到場監視，壽宴上吳國敬還被發現跟江湖人物林江及薯仔握手傾偈。
獲邀做表演嘉賓
記者昨致電艾威，他直認不諱說：「我當晚係去做表演嘉賓，入場之前啲差人都有同我打招呼，佢哋都問我係咪嚟做表演嘉賓。」出席江湖場合可會害怕？艾威說：「又冇乜驚唔驚，人哋生日唱歌畀人聽，開心嘢嚟，又唔係叫你講數，又唔係叫你開片，artist都應該冇乜分表演場合嘅。」
艾威指當晚是江湖大佬沙田Me（翟浩琛）邀他與吳國敬出席，而他跟沙田Me亦有點緣份，艾威說：「幾年前我啱啱開《無間道》（網劇），我啱啱識得佢，佢都有投資娛樂事業，開電影開演唱會，我就問佢介唔介意我新戲角色用你嚟做參考，我發覺佢一舉手一投足都好有戲味，佢話唔介意，於是乎同佢接觸多咗囉。我《無間道》個角色（雷爺）就參照佢做藍本。」艾威指沙田Me舉行過不少演唱會也有找他做嘉賓：「吳國敬都有好多演唱會係佢出錢出力去搞。」
「一定有江湖朋友」
吳國敬則表示：「呢啲係畀面派對，唱首歌賀人哋生日啫，出嚟娛樂圈打滾咁多年，一定有啲江湖朋友嘅。」說到沙田Me投資他開演唱會，吳國敬說：「有人請咪唱囉，有飯食，有工就開㗎啦。」至於沙田Me前年曾與林雅詩傳過緋聞，並被指是她所屬弘武電影公司的幕後老闆。
採訪：魯吉
獲邀做表演嘉賓
記者昨致電艾威，他直認不諱說：「我當晚係去做表演嘉賓，入場之前啲差人都有同我打招呼，佢哋都問我係咪嚟做表演嘉賓。」出席江湖場合可會害怕？艾威說：「又冇乜驚唔驚，人哋生日唱歌畀人聽，開心嘢嚟，又唔係叫你講數，又唔係叫你開片，artist都應該冇乜分表演場合嘅。」
艾威指當晚是江湖大佬沙田Me（翟浩琛）邀他與吳國敬出席，而他跟沙田Me亦有點緣份，艾威說：「幾年前我啱啱開《無間道》（網劇），我啱啱識得佢，佢都有投資娛樂事業，開電影開演唱會，我就問佢介唔介意我新戲角色用你嚟做參考，我發覺佢一舉手一投足都好有戲味，佢話唔介意，於是乎同佢接觸多咗囉。我《無間道》個角色（雷爺）就參照佢做藍本。」艾威指沙田Me舉行過不少演唱會也有找他做嘉賓：「吳國敬都有好多演唱會係佢出錢出力去搞。」
「一定有江湖朋友」
吳國敬則表示：「呢啲係畀面派對，唱首歌賀人哋生日啫，出嚟娛樂圈打滾咁多年，一定有啲江湖朋友嘅。」說到沙田Me投資他開演唱會，吳國敬說：「有人請咪唱囉，有飯食，有工就開㗎啦。」至於沙田Me前年曾與林雅詩傳過緋聞，並被指是她所屬弘武電影公司的幕後老闆。
採訪：魯吉
回應 (0)
