馬仔性感相賀30億點擊

【蘋果日報】馬浚偉和江欣燕昨日到會展出席活動，其中馬仔有份主演的《宮心計2深宮計》日前播出跟周秀娜大婚兼洞房的戲份，不少網民不滿馬仔撕爛娜姐衫的情節，認為撕得太少，馬仔笑言因電視台尺度問題：「而且都要尊重娜姐，但娜姐亦係一個好尊業嘅演員。」談到劇集網上點擊近15億，馬仔說：「如果夠30億就會分享一張同胡定欣嘅絕密性感相。」
另外，早前因《逆緣》備受觀眾讚賞的江欣燕就透露：「嚟緊會再開新劇，飾演黃智雯嘅媽媽。」兩人年紀並非相差太遠，會否擔心不夠說服力，她說：「一早都有傾過，計過如果我18歲生智雯出嚟年齡係啱嘅，所以劇中設定我哋性格同打扮都似兩姊妹多過似母女。」
採訪、攝影：曹家誠