犧牲居住空間保存百年爐灶

【蘋果日報】「好大功勞㗎，呢個灶！」灰水糭要靠開灶生火後留下的荔枝木灰燼製作，嬌姐說，其母製作食物時很認真，更有先見之明，寧犧牲居住空間，也要保留舊式廚房的百年爐灶，讓兒孫知道舊日生活，「我阿媽好堅持，鍾意留返古老嘢畀個孫睇，所以堅持一定要留返個灶」。
灶頭現裂縫　難覓人修補
爐灶由嬌姐祖父母一輩建成，舊時全家的煮食、煲水洗澡等均靠它，「都有百年歷史㗎喇，一定要有爐灶先可以做到呢個（灰水糭）」，嬌姐談起爐灶便越講越興奮，一一道出它的好，「呢個爐煲湯最好飲，柴火湯好好飲，慢慢熬」。
灶頭對面有一幅荔枝柴堆積而成的小牆，嬌姐指母親舊時勤快，每天都到後山砍柴枝，結果到她接手廚房時，堆積的荔枝柴「燒三代都燒唔晒」。嬌姐於是保留部份柴枝作紀念。
現在全村亦只得嬌姐一戶有爐灶，不過灶頭開始出現裂縫，恐怕未能找到師傅維修。嬌姐擔心不久後爐灶破損，灰水糭便會失傳，只好與時間競賽，落力推廣灰水糭，「爛咗就冇，可能你過多幾年嚟，見唔到呢個灶，爛咗好慘」。
■記者李晟謙