吳鎮宇爆囝囝長腿大腩

【蘋果日報】吳鎮宇、張智霖（Chilam）、佘詩曼及周秀娜等，前晚在尖沙嘴出席電影《洩密者們》首映禮，鎮宇戲中有不少槍戰及飛車場面，不過是替身代勞，他說：「之前有導演話我要用替身好矜貴，嗰次1樓跳落嚟，結果替身拗親休息咗兩個月，好彩唔係我，如果係我，老闆就會問點解唔用替身。」鎮宇又爆阿佘同張繼聰有車廂親熱動作場面：「阿聰同阿佘講，希望下一世可以同佢多啲對白。」
父親節將至，Chilam表示要到上海工作，鎮宇又爆金句：「呢個世界母親節先畀人重視，因為父親係要嚟搵錢畀佢哋過母親節。」問到鎮宇其子有何表示？佢即大爆兒子Feynman懶惰兼胖了很多：「前面好大個肚腩，但對腳就好長，乞人憎呀！」
採訪：羅慧敏
攝影：陳俊強