削筋後無補救　落石屎掩飾

【蘋果日報】據了解，沙中綫土瓜灣站承建商「削筋」偷薄結構牆事件中，工程人員連日以風煤燒焊切斷鋼筋，做法亦疑違反工地要求。有資深扎鐵工指出，由於鋼筋被火燒過會影響拉力，行內少用焊斷方式「切鐵」，事後亦必須加設額外鋼筋補充拉力，否則整幅牆的承托力都會削弱。惟消息稱，承建商切斷鋼筋後，未做任何補救工作，就已指示落石屎掩飾。
扎鐵工：地盤少用燒焊切鋼筋
本身為資深扎鐵工的紮鐵業團結工會理事黃惠民指，雙層鋼筋設計牆身一般屬主力結構牆，「結構牆鋼筋雙層變單層唔係完全唔得，但一定要做番其他補救功夫，至少要加番幾個錨固點，將鋼筋拉住附近牆身，補返個結構強度」。
黃惠民指，在地盤要切斷鋼筋，大多數會以油壓剪或切割機割斷，較少使用風煤燒焊切斷鋼筋，「師傅肯定有教落，條鋼筋只係燒過一點，附近成1米長位置嘅鋼筋拉力都會唔同咗，必須要補返額外鋼筋落去，如唔係成幅牆結構強度會唔夠」。若未有採取補救措施就已落石屎，整幅牆的結構安全都會有問題。
黃惠民續指，就如紅磡站擴建工程問題，扎鐵工序在落石屎後，會較難發現及較難追究。惟工程人員仍可利用「打石屎槍」及用超聲波儀器掃描，檢查牆壁結構強度在「削筋」後，能否仍合乎標準。
據了解，港鐵仍然在等待工程「大判」提交詳細報告，並提出補救方案建議，最壞的情況下需要重建涉事結構牆。
雖然港鐵與工程商的合約有追究條款，但港鐵可以使用的板斧有限，除要求工程商按原有設計還原外，若有關失誤令往後工序延誤，工程商亦要賠償相關費用，若最終要延期通車，港鐵則可再追討相關車票收入損失，惟金額有上限。
■記者鄭啟源