新聞類別
財經
詳情#
【蘋果日報】「侵侵落台，貿易戰咪完囉！」孫柏文聽到，當然唔同意啦。
因大家唔明嘅係，特朗普只係花旗國民情嘅代表。冇咗佢，嗰個民意浪就會推另一個持相同睇法嘅人出來做領導，貿易戰都會繼續。沒完沒了嘅貿戰，其他國家還拖唔work，淆底投降又唔掂。
兩周前，我被新加坡電視台Channel News Asia訪問，被問到究竟貿戰要點先完？
花旗國人民依家好嬲。多年來，佢哋嘅領導班子，向佢哋話要忍耐，要無私咁奉獻畀世人，去推動「更美好」嘅世界。點知一輪又一輪嘅政策，換來不但係大幅傾斜花旗國民要蝕，仲要俾騎劫咗道德高地嘅左膠，瘋狂圍小。所以，估美帝貿戰幾時打完，問吓自己作為香港人，要點條氣先會順就得。
二選一：一，全球對美關稅同美帝水平睇齊。特朗普喺G6+1峰會都話：「夠薑就G7內，所有嘢零關稅、零門檻、零補貼！」當然，歐洲佬、婆，講貿易就道德高地、天下無敵。做就très désolé無心無力。國家中央亦口裏說「不」，不過身體好很誠實咁繼續喺世貿組織話自己係「發展中國家」，玩盡貿易保護、工業補貼。
所以，最有可能，就係第二，大家可以繼續搵美帝笨，不過要表示你有幾感恩美帝慷慨之心。歐洲唔好再左批右批，我國中央則要集團攞啲玻璃心出來自我敲碎。大家肯認低威，貿戰就完。
孫柏文
獨立股評人
http://fb.com/shuen
本欄逢周二刊出
因大家唔明嘅係，特朗普只係花旗國民情嘅代表。冇咗佢，嗰個民意浪就會推另一個持相同睇法嘅人出來做領導，貿易戰都會繼續。沒完沒了嘅貿戰，其他國家還拖唔work，淆底投降又唔掂。
兩周前，我被新加坡電視台Channel News Asia訪問，被問到究竟貿戰要點先完？
花旗國人民依家好嬲。多年來，佢哋嘅領導班子，向佢哋話要忍耐，要無私咁奉獻畀世人，去推動「更美好」嘅世界。點知一輪又一輪嘅政策，換來不但係大幅傾斜花旗國民要蝕，仲要俾騎劫咗道德高地嘅左膠，瘋狂圍小。所以，估美帝貿戰幾時打完，問吓自己作為香港人，要點條氣先會順就得。
二選一：一，全球對美關稅同美帝水平睇齊。特朗普喺G6+1峰會都話：「夠薑就G7內，所有嘢零關稅、零門檻、零補貼！」當然，歐洲佬、婆，講貿易就道德高地、天下無敵。做就très désolé無心無力。國家中央亦口裏說「不」，不過身體好很誠實咁繼續喺世貿組織話自己係「發展中國家」，玩盡貿易保護、工業補貼。
所以，最有可能，就係第二，大家可以繼續搵美帝笨，不過要表示你有幾感恩美帝慷慨之心。歐洲唔好再左批右批，我國中央則要集團攞啲玻璃心出來自我敲碎。大家肯認低威，貿戰就完。
孫柏文
獨立股評人
http://fb.com/shuen
本欄逢周二刊出
回應 (0)
