新聞類別
財經
詳情#
【蘋果日報】近年紅酒喺香港越來越流行，但唔少人都認為法國、意大利等西方出產嘅先係上品。但凡是總有例外嘅，好似今日開始招股嘅怡園酒莊，唔好睇佢係內地出品，就以為冇好嘢，佢出產嘅紅酒曾經獲得唔少香港識飲識食嘅財金界人士力讚，包括出晒名嘅紅酒收藏家、前政務司司長唐英年；而新世界（017）副主席鄭志剛，據聞亦用怡園嘅紅酒送禮。
盼同KOL合作
怡園主席陳芳話，同鄭志剛OK熟，但公司上市就唔會叫佢認購支持，「佢（鄭志剛）支持我哋啲酒，就梗係開心，但始終公司係面向市場，所以唔想靠拍膊頭做生意，拍得幾耐呀？」佢話，公司寧願做多啲推廣，好似同KOL合作。查實依家鄭志剛都好積極投身藝術文化，算係半個KOL，計華華話，怡園都可以考慮下合作。
話時話，怡園酒莊位於山西省，由1997年由港商陳進强創立，主要銷售點喺內地，依家由佢個女陳芳接手。出身釀酒世家，陳芳話佢兩個女細細個已識飲酒，而且仲特別為佢哋每人釀咗一款酒，仲以佢哋嘅名命名㖭。
李華華
LiWaWa@AppleDaily.com
盼同KOL合作
怡園主席陳芳話，同鄭志剛OK熟，但公司上市就唔會叫佢認購支持，「佢（鄭志剛）支持我哋啲酒，就梗係開心，但始終公司係面向市場，所以唔想靠拍膊頭做生意，拍得幾耐呀？」佢話，公司寧願做多啲推廣，好似同KOL合作。查實依家鄭志剛都好積極投身藝術文化，算係半個KOL，計華華話，怡園都可以考慮下合作。
話時話，怡園酒莊位於山西省，由1997年由港商陳進强創立，主要銷售點喺內地，依家由佢個女陳芳接手。出身釀酒世家，陳芳話佢兩個女細細個已識飲酒，而且仲特別為佢哋每人釀咗一款酒，仲以佢哋嘅名命名㖭。
李華華
LiWaWa@AppleDaily.com
回應 (0)
