阿姐戥家燕開心

【蘋果日報】薛家燕相識遍天下，昨晚汪明荃（阿姐）、佘詩曼、楊怡、胡杏兒、米雪、胡楓、吳君麗、歐陽震華、許冠文、吳若希和陳敏之等數百圈中人到賀，場面星光熠熠。阿姐指羅家英昨晚拉薩登台返港未趕及前來，並謂：「好戥家燕姐開心，大家都知佢經歷唔簡單，單親媽咪，三個仔女都咁乖，第一次辦喜事，一定要到。」楊怡就指老公羅仲謙在內地拍戲未能前來，並指自己近日皮膚敏感和內分泌失調。