新聞類別
娛樂
詳情#
【蘋果日報】楊千嬅、劉嘉玲、陳奕迅同徐濠縈等噚晚去咗中環ifc戲院，出席《侏羅紀世界：迷失國度》（Jurassic World：Fallen Kingdom）首映。
前晚開完刀
對於丁子高日前患上急性盲腸炎，要立即入院做手術，千嬅話：「佢噚晚開完刀，依家休息緊，如果傷口冇血水出，今晚就可以出院。醫生話盲腸炎冇原因，可能抵抗力唔好，細菌入腸。」千嬅話阿仔都嚇親，仲笑言六年前嘅前日阿仔出世，依家老公喺同一間醫院攞條盲腸出嚟。
嘉玲讚偉仔
嘉玲啱啱去完旅行返港，要投入《奪命証人》舞台劇演出，透露會去法庭觀摩，仲笑言有人提醒佢唔好喺法庭入面影相。講到老公梁朝偉喺帆船賽攞第二，嘉玲好戥對方高興：「佢好有天份，有運動細胞，由細到大好鍾意海同水，平衡力又好。」
提到近日林燕妮離世同時裝設計師Kate Spade吊頸自殺，嘉玲對林燕妮嘅死訊話：「聽到呢個消息都唔會太愕然，呢個係人生必經，自己都有咁上下年紀，都聽得多，要學習去面對。」
至於Kate Spade患抑鬱症自殺，嘉玲話：「呢啲病真係好可憐，可能太辛苦，所以選擇呢條路解決，都要多啲留意同關心呢啲病，社會越嚟越多人有抑鬱症，可能因為壓力大，有可能係貧富懸殊，空氣都可能係一個問題，好多人釋放唔到呢啲問題，其實唔需要藥，大自然都可以治癒。」
撰文：馮仁昭
前晚開完刀
對於丁子高日前患上急性盲腸炎，要立即入院做手術，千嬅話：「佢噚晚開完刀，依家休息緊，如果傷口冇血水出，今晚就可以出院。醫生話盲腸炎冇原因，可能抵抗力唔好，細菌入腸。」千嬅話阿仔都嚇親，仲笑言六年前嘅前日阿仔出世，依家老公喺同一間醫院攞條盲腸出嚟。
嘉玲讚偉仔
嘉玲啱啱去完旅行返港，要投入《奪命証人》舞台劇演出，透露會去法庭觀摩，仲笑言有人提醒佢唔好喺法庭入面影相。講到老公梁朝偉喺帆船賽攞第二，嘉玲好戥對方高興：「佢好有天份，有運動細胞，由細到大好鍾意海同水，平衡力又好。」
提到近日林燕妮離世同時裝設計師Kate Spade吊頸自殺，嘉玲對林燕妮嘅死訊話：「聽到呢個消息都唔會太愕然，呢個係人生必經，自己都有咁上下年紀，都聽得多，要學習去面對。」
至於Kate Spade患抑鬱症自殺，嘉玲話：「呢啲病真係好可憐，可能太辛苦，所以選擇呢條路解決，都要多啲留意同關心呢啲病，社會越嚟越多人有抑鬱症，可能因為壓力大，有可能係貧富懸殊，空氣都可能係一個問題，好多人釋放唔到呢啲問題，其實唔需要藥，大自然都可以治癒。」
撰文：馮仁昭
回應 (0)
