參選大門已關上　轉型抗威權　眾志：民間有出路

【蘋果日報】香港眾志成立兩周年之際，宣佈由政黨轉型為民間團體，有學者認為此舉是走回頭路，更斷言眾志日後有機會解散。秘書長黃之鋒承認，眾志參選大門已經關上，未來只能立足民間社會，但他不認為眾志的影響力會因而大減。新任主席林朗彥指，難以評估政府對「進步派」的封鎖何時解除，眾志轉型為民間團體是「prepare for the worst（做好最壞打算）」。
記者：陳嘉裕　姚國雄
今年初眾志成員周庭因香港眾志政治聯繫，被選舉主任DQ參選資格，眾志內部經多次會議，一致認同議會大門已經關上，決定在兩周年時宣佈轉型。「公眾都會覺得眾志轉型係一個非常關鍵時刻喇，但其實在我睇嚟係好正常嘅」，黃之鋒指，客觀事實是未來所有擁有眾志政治聯繫的人都不能參選，既然不能參選，自然不能自稱政黨，所以眾志未來是「立足民間嘅政治團體」。
黃之鋒稱非屈服
黃之鋒不認為轉型決定是屈服，「好多人會問呢個轉型係唔係重要挫折？甚至有人問係唔係要解散？但在我看來眾志有5至6個範疇工作，只係冇咗議會一個（範疇）」。有人認為無議席就無資源，黃之鋒不認同，他稱民主運動不能單以議會作為唯一主軸，否則會變了「永續參選」。他指，「由上年7月到依家我哋都冇議席㗎喇，但係唔係我喺公眾領域消失咗？其實又唔係吖」。
林朗彥補充，現時處於威權甚至可稱為極權時代，單是依賴立會議席供給資源並不實際，「我哋根本唔會知道幾年後、十年後會係乜嘢情況，可能十年後兩大黨都唔可以參選」。他認為反對派陣營應思考如何開發用「民間支援」的生存模式，這種做法是「prepare for the worst」，而眾志目前透過月捐等方式支持營運。
被問到何時才會有成員以眾志名義參選？黃之鋒反問：「等幾耐先過到威權時代？」他亦大方承認想參選，但指「就算我同大家講，我好想選，係唔係可以改變依家情況？」林朗彥亦指，難以評估政府對「進步派」的封鎖何時解除，眾志未來會着力於在民間發揮影響力，包括抵擋23條立法等工作。