新聞類別
港聞
詳情#
【蘋果日報】鷹君爭產案踏入第5日，羅老太羅杜莉君昨首次以證人身份出庭，接受代表匯豐信託的御用大律師Paul Girolami盤問。處於爭議風眼位的三子羅嘉瑞首次現身旁聽。聆訊期間，羅老太再斥嘉瑞當年欲以每股3毫價格將鷹君售予新加坡商人，「賣咗依家踎街啊」，及後又指他叻、聰明，「但唔知點解對付親生老母，就係為咗money（錢）」，羅嘉瑞則木無表情。
記者：周家誠 梁延宇
羅老太控告家族信託人匯豐失職，並要求撤換，昨在高等法院續審。羅老太準時10時到庭，一開始辯方大狀盤問羅老太近月與傳媒會面、創辦鷹君背景等，及後盤問羅老太幫丈夫兼鷹君創辦人羅鷹石簽文件事宜，羅老太指自己主力打理家庭事務，生意上信任丈夫，「老公叫我簽乜（文件）就簽乜」，對實際營運沒有過問，但知道文件主要涉及買地、賣樓。
爆三仔曾想3毫子賣股
談到80年代，羅老太重提嘉瑞謀賣走公司股份，「三仔喺美國返嚟，好鍾意賣嘢，想將公司股份賣畀新加坡佬，1股3毫子，兩仔爺講緊，咁啱我行過stop佢，話咁辛苦建立，點可以3毫子賣？丈夫都聽我講，賣咗依家踎街呀」，她又指鷹君的「君」字屬她所有，「點可以賣？」被問是否即使價錢好，仍然不選擇出售，她回答「是」。
羅老太又將嘉瑞往事娓娓道出，否定他曾助鷹君起死回生，然後用英文說，「佢係心臟科醫生，返到香港只係學嘢，乜都唔識」。然後又說他在美國不快樂，受人鄙視，之後寫信向父親要求回港，到酒店實習半年，「佢生意摸唔到路，病咗一年，好抑鬱。但佢好聰明，讀書唔使錢」。羅老太續說，「但唔知點解會對付媽媽，親生老母，就係為咗money！」在旁聽席的嘉瑞則閉目，沒有表情。及後羅老太指由於嘉瑞幫父親做生意，「依家先揸晒大盤」。
下午審訊則圍繞1998年時，羅鷹石和羅老太監護人地位轉移至3名子女慧端、嘉瑞、啟瑞。當羅老太被問到監護人角色時，她引述匯豐信託董事總經理Paulina Lau指：「你鍾意就鍾意，唔鍾意就炒咗佢，佢時時講呢句說話。」
不過，羅老太說丈夫沒有提過1998年時兩人辭任信託監護人事宜。大狀反覆問及她是否知悉此事，她說：「有講咩？冇，冇聽講、羅公（羅鷹石）冇講我聽。」她指：「成個鷹君全部都係我兩個人，點會移除，9個都係我親生，我唔係填房！」她指今日才得悉已被移除。席間更兩次要求法官，可否向六子啟瑞查詢有關事項，但遭到法官拒絕。
另外羅老太又指：「（資產）放入去匯豐，以為好靠得住，依家成100歲，叫佢做乜都唔做，驚起上嚟咪拎返，依家就信唔過。」聆訊明天繼續。
案件編號：HCA3246/16、HCA355/18
記者：周家誠 梁延宇
羅老太控告家族信託人匯豐失職，並要求撤換，昨在高等法院續審。羅老太準時10時到庭，一開始辯方大狀盤問羅老太近月與傳媒會面、創辦鷹君背景等，及後盤問羅老太幫丈夫兼鷹君創辦人羅鷹石簽文件事宜，羅老太指自己主力打理家庭事務，生意上信任丈夫，「老公叫我簽乜（文件）就簽乜」，對實際營運沒有過問，但知道文件主要涉及買地、賣樓。
爆三仔曾想3毫子賣股
談到80年代，羅老太重提嘉瑞謀賣走公司股份，「三仔喺美國返嚟，好鍾意賣嘢，想將公司股份賣畀新加坡佬，1股3毫子，兩仔爺講緊，咁啱我行過stop佢，話咁辛苦建立，點可以3毫子賣？丈夫都聽我講，賣咗依家踎街呀」，她又指鷹君的「君」字屬她所有，「點可以賣？」被問是否即使價錢好，仍然不選擇出售，她回答「是」。
羅老太又將嘉瑞往事娓娓道出，否定他曾助鷹君起死回生，然後用英文說，「佢係心臟科醫生，返到香港只係學嘢，乜都唔識」。然後又說他在美國不快樂，受人鄙視，之後寫信向父親要求回港，到酒店實習半年，「佢生意摸唔到路，病咗一年，好抑鬱。但佢好聰明，讀書唔使錢」。羅老太續說，「但唔知點解會對付媽媽，親生老母，就係為咗money！」在旁聽席的嘉瑞則閉目，沒有表情。及後羅老太指由於嘉瑞幫父親做生意，「依家先揸晒大盤」。
下午審訊則圍繞1998年時，羅鷹石和羅老太監護人地位轉移至3名子女慧端、嘉瑞、啟瑞。當羅老太被問到監護人角色時，她引述匯豐信託董事總經理Paulina Lau指：「你鍾意就鍾意，唔鍾意就炒咗佢，佢時時講呢句說話。」
不過，羅老太說丈夫沒有提過1998年時兩人辭任信託監護人事宜。大狀反覆問及她是否知悉此事，她說：「有講咩？冇，冇聽講、羅公（羅鷹石）冇講我聽。」她指：「成個鷹君全部都係我兩個人，點會移除，9個都係我親生，我唔係填房！」她指今日才得悉已被移除。席間更兩次要求法官，可否向六子啟瑞查詢有關事項，但遭到法官拒絕。
另外羅老太又指：「（資產）放入去匯豐，以為好靠得住，依家成100歲，叫佢做乜都唔做，驚起上嚟咪拎返，依家就信唔過。」聆訊明天繼續。
案件編號：HCA3246/16、HCA355/18
留言 (0)
