北京越封殺泛民越反抗

【蘋果日報】【拆局】
今年六四集會受注目程度不下於以往逢5逢10的周年集會，關鍵在於中共指叫「結束一黨專政」違憲，一眾要求平反六四的民主派議員或因此影響參選資格。有民主派人士稱昨晚叫得最響亮的口號就是「結束一黨專政」，「睇唔到有民主派人士會退縮，邊個縮只會俾民主派支持者離棄」。
「退縮只會俾支持者DQ」
有出席昨晚六四燭光集會的民主派人士表示，參與的市民「叫得最大聲、最有感受，就係叫結束一黨專政」，他認為與中共以及左派指叫「結束一黨專政」口號違憲有關，「民意其實好簡單，你（中共）越橫蠻、越打壓、越唔畀叫結束一黨專政，佢哋就越係要叫得更加大聲」，若果北京真的出手封殺支聯會、叫「結束一黨專政」的民主派人士，「咁等同叫參與悼念六四燭光集會嘅市民一齊上街反抗中共」。
他又認為任何民主派人士、不論是否參選，也不可能在叫「結束一黨專政」口號上退縮，「支持六四燭光集會嘅市民，亦係民主派最堅實支持者，任何民主派人士喺結束一黨專政立場上退縮，只會俾民主派支持者DQ」。
■記者莫劍弦