心痛太太撲來撲去

【蘋果日報】吳博君與太太結婚十一年，太太因幼時患有小兒麻痹症，有一隻手乏力，仍獨力照顧患病老公，互相扶持。訪問當日，吳太如常陪老公到樓下公園做運動，見到老公情況日漸好轉，吳太開心說：「佢之前衫鈕都扣唔到，鞋帶都綁唔到！」博君輕吻太太面頰，盡在不言中。
博君說：「我哋冇仔女，比較遲結婚，我哋睇波嘅時候識。」博君感激太太患難與共，不離不棄，激動說：「佢好辛苦，撲嚟撲去，探病時間一日去兩次醫院，我見到佢咁辛苦，我都好唔舒服，佢喊咗好多次，辭咗份工嚟睇住我，變咗好無可奈何。」吳太本任職普通文員，月入萬多元，今年4月辭職專心照顧老公，博君感激太太：「我感覺到佢係唔會離開我，佢真係好好，一啲怨言都冇。」