文具店員工提早收舖悼六四

【蘋果日報】26歲的吳子樂，在維園附近一間文具店上班。他說，每年六四那天，附近街道的氣息跟平日好像有點不同，「唔知係咪我敏感呢？如果係工展會、年宵，入嚟嘅客人都會好開心好熱情，就算係平日，啲人都會討論吓電影。但六四去晚會前嘅人，往往係靜默嘅嚟，靜默嘅走，好似個個有啲心事咁」。
與出席內地人交談感受深
吳子樂自中四起，幾乎每年都會參加燭光晚會，近兩、三年在這小店工作，則會請同事顧店，或索性提早收舖，也不願給自己藉口缺席。他在晚會正式開始前就到場，每次都坐在球場，晚會完了，就幫忙清理場地，待人潮散去大半才離場。他總是自己一個人去晚會，有時早到了，就跟附近的人聊天。他很記得去年遇上的一個內地人，神色緊張，那人說特地來港參加晚會，因為香港是唯一可以自由哀悼的地方，但還是擔心晚會人群中有強力部門潛伏，或被偷拍，故必須保持警覺，晚會後也會多留幾日才回內地。
這讓子樂更感受到自由的可貴，「香港人暫時都唔使擔心去六四影響前途，除非你想做政府工或中資機構啦，但其實內地人，莫講話喺大陸公開悼念會俾人拉，即使嚟香港參加晚會，已經係一種冒險」。
■特約記者朱雋穎