杜汶澤轟馬逢國：早應提出

【蘋果日報】就道具領班被裁定保管偽製紙幣罪成，香港電影工作者總會永遠榮譽會長吳思遠指他入行50年，一直不知道使用道具鈔票需向金管局申請。
演員杜汶澤昨晚接受《蘋果》電話訪問時痛斥：「我覺得吳思遠依家鬧呢啲，拍咗咁多年戲，你哋呢啲咁大嘅人，唔知道呢啲嘢係犯法？仲夠膽死走去做呈堂，夾埋馬逢國話『我哋唔知道呢啲嘢係犯法！』唔知道就代表你冇犯法嘅咩？拍戲大晒？你哋嘅位置，係唔可以唔知道（犯法）㗎！你哋應該一早就喺立法嘅過程努力吖嘛！馬逢國係立法會議員，一早喺立法嘅過程就應該喺立法會提出。」
對於代表道具領班的大狀指因《迷城》導演林嶺東對道具銀紙要求高才出現本案，杜汶澤昨在社交網留言：「你未俾林嶺東Х過，你知條Х咩你！啲銀紙仿真度就當然高啦！佢真係Х到你爆開㗎！」
■記者何永寧