新聞類別
娛樂
詳情#
【蘋果日報】曾創作《我本善良》、《真情》、《再見亦是老婆》、《妙手仁心2》同《十月初五的月光》等港劇嘅金牌編劇陳寶華，最近回巢無綫以總監製及總編審身份創作電視劇《多功能老婆》，連楊千嬅都因為佢答應重返無綫拍劇。而陳寶華前晚就喺將軍澳香港知專設計學院出席「港劇如何再創高峯？」主題講座，唐文龍、米雪、黃浩然、洪永城同麥當傑導演都有到場支持。不過成晚嘅內容就一味讚港劇喺內地點受歡迎，唔係好貼題。
洪永城受壓脫髮
陳寶華話內地劇近年冒起得好快，但佢認為內地作品欠缺專業性，佢又彈王晶搞嘅網劇《冒險王衛斯理之支離人》：「個古仔好好，但係啲女演員我都唔識，用配音變得冇戲，所以我覺得麻麻哋。」麥當傑就覺得劇本同演員都好，但最大件事係CG特效出咗問題。
跟住陳寶華又話睇好洪永城，大讚佢有喜感同節奏感。而洪永城之後接受訪問，講到甩頭髮問題，佢笑笑口講：「咪M字額嗰時，適應咗之後，知道點減壓，冇睇醫生，只係問髮型師意見。」
撰文：馮仁昭
洪永城受壓脫髮
陳寶華話內地劇近年冒起得好快，但佢認為內地作品欠缺專業性，佢又彈王晶搞嘅網劇《冒險王衛斯理之支離人》：「個古仔好好，但係啲女演員我都唔識，用配音變得冇戲，所以我覺得麻麻哋。」麥當傑就覺得劇本同演員都好，但最大件事係CG特效出咗問題。
跟住陳寶華又話睇好洪永城，大讚佢有喜感同節奏感。而洪永城之後接受訪問，講到甩頭髮問題，佢笑笑口講：「咪M字額嗰時，適應咗之後，知道點減壓，冇睇醫生，只係問髮型師意見。」
撰文：馮仁昭
回應 (0)
