胡琳目標進軍紅館開唱

【蘋果日報】一連兩場胡琳演唱會前晚假九展完騷，Super Girls成員Aka和Heidi、唐文龍、吳國敬、顏子菲和鄧月平等捧場。完騷後胡琳依依不捨：「之前每日用十幾個鐘排舞練歌，諗起聽朝起身唔知有乜做，就好失落。」胡琳指最鍾意跳Tango和着睡衣瞓枱兩段舞：「好似小型劇場咁，第一晚好多甩漏，自己唔敢睇playback，但知道第二晚跳得好咗，依家我仲愛上跳舞。」
問到下一站是否進軍紅館？胡琳笑說：「每個歌手都希望做到，不過我係一隻蝸牛，行得比較慢，相信一路努力會有呢一日。」之後她計劃到倫敦和巴黎旅行，到時會放縱狂食：「不過唔可以一次過食得太多，驚消化唔到。」
採訪：馬建華
攝影：仇志德