新聞類別
娛樂
詳情#
【蘋果日報】平時見到陳鈺芸（JuJu），佢多數係整副武裝同人打拳，練得一身肌肉兼弗爆嘅JuJu，最近愛上空中瑜伽，日前仲專程到荔枝角示範可以練腰腹肌肉嘅動作。JuJu話：「自己都係初學者，但就覺得呢個運動有好多好處，可以訓練到耐力、平衡力同肌肉嘅柔韌度。」
加速血液循環
講到咁好，當然叫JuJu即場示範下，佢同導師Tiffany一齊示範咗幾組動作，佢話：「全部都係針對腰腹嘅全身運動，第一個係倒吊Sit Up，倒吊其實對身體血液循環好有幫助，因為反地心吸力令到血液可以更好咁運行喺面部，每日如果可以倒吊十零分鐘包保連皺紋都少啲，就算屋企冇地方做空中瑜伽，都建議大家試吓喺屋企做倒立，可以幫助加速血液循環，做完頭腦都sharp啲，而空中瑜伽嘅倒吊Sit Up就可以有效咁訓練到腰腹肌肉，除咗收肚腩仲可以練出人魚線。」
第二個動作叫做「飛行蝗蟲」，JuJu話：「先將身體打橫吊高，然後挺胸收腰，將手伸直。除咗腰腹仲可以鍛煉到背脊肌肉。最後一組動作叫空中一字馬，同樣用到腰腹同手部肌肉，當然唔係每個人都可以一下字就拉到一字馬，我建議大家逐步逐步試，最緊要勤練習，好快就會有成果。」
撰文：馮仁昭
加速血液循環
講到咁好，當然叫JuJu即場示範下，佢同導師Tiffany一齊示範咗幾組動作，佢話：「全部都係針對腰腹嘅全身運動，第一個係倒吊Sit Up，倒吊其實對身體血液循環好有幫助，因為反地心吸力令到血液可以更好咁運行喺面部，每日如果可以倒吊十零分鐘包保連皺紋都少啲，就算屋企冇地方做空中瑜伽，都建議大家試吓喺屋企做倒立，可以幫助加速血液循環，做完頭腦都sharp啲，而空中瑜伽嘅倒吊Sit Up就可以有效咁訓練到腰腹肌肉，除咗收肚腩仲可以練出人魚線。」
第二個動作叫做「飛行蝗蟲」，JuJu話：「先將身體打橫吊高，然後挺胸收腰，將手伸直。除咗腰腹仲可以鍛煉到背脊肌肉。最後一組動作叫空中一字馬，同樣用到腰腹同手部肌肉，當然唔係每個人都可以一下字就拉到一字馬，我建議大家逐步逐步試，最緊要勤練習，好快就會有成果。」
撰文：馮仁昭
回應 (0)
