條款以病人利益為先

【蘋果日報】「點解自願醫保比較貴？要留意所保範圍大咗，條款亦不同。」自願醫保諮詢小組成員兼醫學會義務秘書林哲玄醫生指，自願醫保有較坊間優勝的條款，而且保單標準化下，相信可減爭論情況。
林以自願醫保中的「承保未知的投保前已有疾病」為例，「如病人投保3個月後暈倒，入院發現係嚴重糖尿併發症，血糖水平高到醒得返已係奇迹，咁一定係患病多年，只係病人唔知。」此情況下，因病人真誠未察覺患病，自願醫保保單不能因「已存在疾病」拒保，但疾病仍設三年等候期，首年不獲賠償，第二及三年分別有25%及50%賠償額，第四年起賠足。林指雖病人首年仍要自掏荷包，但起碼不會「落exclusion（不保事項），成世不保」，對病人理應有着數。
此外，自願醫保規定，8歲後出現的先天性疾病需要承保，對比坊間一般只承保成年後出現的先天性疾病，小腸氣等幼兒常見疾病，便不會因太早確診而不保。自願醫保亦列明如條款有衝突，將採納對投保人較有利的條款，意味會以病人利益優先。
■記者陳洛嘉