拍片介紹新髮型陳凱琳：返番去17歲

【蘋果日報】陳凱琳前日以新形象出席港姐活動，佢將一把留咗10年嘅one length頭大改造，變成「瀏海」，仲話自覺後生咗成10年！
查實Grace都有喺IG拍片介紹佢個新髮型，表情好興奮：「呢個係我嘅新髮型！瀏海呀，自從17歲就冇剪過喇，所以都算係10周年紀念，我再一次返番去17歲喇！」Grace仲提大家下個月係佢嘅27歲生日，仲落咗個tag話係男友批准咗！
唔少網民睇完嘅反應都不一，有啲讚佢真係後生咗，不過有人話佢個樣有啲似鄭爽同嘟姐喎！不過似邊個冇所謂，最緊要係男友鄭嘉穎鍾意咪得囉！
但係……如果Grace個新look後生十年，咁佢同鄭嘉穎呢段相差22年嘅忘年戀，豈不是又加多十年？